كيفاش تبدأ مشروع لي الأساس ديالُ هو أسلوب حياتك ؟
المشاريع المنزلية كانت موجودة من شحال هاذي ، ولكن كانُ عندها بعض القيود حتى بان الأنترنت . اليوم ، يمكن للناس يبداوا العمل على المشاريع ديالهم والإدارة ديالها بكل أريحية من المنازل ديالهم ... أو من الشاطئ ... أو من المنزل المتنقل ديالهم . هاذ التسهيلات خلات يبان نوع جديد ديال المشاريع و لي كيعتامد على أسلوب الحياة .
تقليديا ، الناس كا يلقاوا وظيفة و من بعد كيبنيوا أسلوب حياة متعلق بالخدمة لي خدموها ، و لكن رجل الأعمال لي واخد أسلوب حياةُ كأساس كيدير العكس ، بحيث أنه كيبني العمل ديالُ على حياةُ .
هاذي بعض الخطوات باش تولي صاحب مشروع أساسُ هو أسلوب حياتك :
اعرف الشغف ديالك
أشنو هي الإهتمامات ديالك ؟ في بعض الحالات ، قد تتمكن من الجمع بين شغف ديالك والعمل ديالك . على سبيل المثال ، إلا كنتي كتحب الطعام والسفر ، فأنت يمكن لك تكون قادر أنك تنشئ نشاط عملي خاص بك كا يعتامد على أسلوب حياتك من خلال مشاركة مقالات فشي مدونة ديال الطعام و السفر . أو يقدر يكون عندك شغف متعلق بالكتابة عامة لي يمكن ليك تحولُ لمهنة رقمية . هاذوا كا يبقاوا غير أمثلة باش تعرف الشغف ديالك .
تطوير خطة عمل
دير قائمة فيها خطة ديال العمل ديالك و لي من ضمنها و لي ضروري فالبداية هو أنه خاص يكون عندك موقع على شبكة الإنترنت. إلا كنتي كتقلب على مقدم خدمات يساعدك في إنشاء موقع على شبكة الإنترنت ، أنت غادي تلقاه بالتأكيد على منصة مواهب . من بعد اكتب خطة ديال العمل ديالك . لي خاصها تشمل جميع التفاصيل لي كتدخل في خطة العمل التقليدية ، فحال الفكرة ديال المنتوج أو الخدمة لي غادي تقدم ، المصاريف المالية لي غادي تلزمك ، و غيرها .
اعتني بالجوانب القانونية
خاص يكون عندك جميع المستندات و التصاريح و التراخيص اللازمة باش تنشأ هيكل العمل ديالك و تأسسوا بشكل قانوني . غادي تحتاج دير دراسة حتى المعلومات المصرفية و المعلومات المالية الأخرى إلا كنتي غادي تسافر أو تنتاقل خارج البلاد .
قاد التسعير و طريقة التسويق لي غادي تعتامد
حاول تكوْن الأسعار للمنتوجات أو الخدمات ديالك ، ولكن ماشي بزاف لدرجة أنه ما يكونش عندك زبناء لي يقدروا يدفعوا الأسعار لي كا تقتارح . كيفما خاصك تشوف واش هداكشي لي غادي تربح كافي باش توصل الهدف ديالك و تنجح أهداف حياتك .
بالنسبة للتسويق ، في العالم الرقمي ، كا يتعتابر البريد الإلكتروني و الشبكات الاجتماعية و المدونات و مقابلات البودكاست و مقاطع الفيديو طرق مزيانة و فعالة للتسويق للعمل ديالك .
حاول ترجع النظام ديالك أوتوماتيكي و استاعن بمقاولات ثانوية كلما كان ممكنًا
يمكن لك ترجع نظام تسليم المنتوجات بعد البيع أوتوماتيكي أو تستاعن بأدوات تخطيط أتوماتيكية . لأن الأنظمة هي لي غادي تسير الأعمال ديالك مزيان و بشفافية و تنقص عليك الخدمة . كلما زاد عليك العمل يمكن ليك تفوضُ لمقاولة أو شخص آخر باش يساعدوك . بحيث أنه يمكن لك تعين مساعد افتراضي واحد ( أو أكثر ) باش يساعدوك في العديد من الجوانب اليومية للعمل ديالك ، فحال الشؤون ديال الزبناء ، إدارة الشبكات الاجتماعية و العلاقات العامة و التسويق و المحاسبة و غيرها . عدد من المساعدين الإفتراضيين موجودين على منصة مواهب و لي مستاعدين يساعدوك .
في البداية ، غادي تواجهوا عدد من التحديات في العمل ديالكم . خاصكم تبقاوا ديما ديروا تقييم لحوايج لي صالحة و لي ما صالحاش، باش تركزوا على الاستمرارية لي ضمن ليكم النتائج لي كا تنتاظروا .
