علاش نختار العمل مع مقدم خدمات في إطار العمل الحر ؟
مقدم خدمات في العمل الحر هو رئيس ديال نفسُ ، فهو معندوش مكتب " رسمي " و بالتالي يمكن ليه التكيف بسهولة مع أي مهمة جديدة و كذلك كيخدم بشكل مستقل عن قيود الوقت وكيدير جدولُ الزمني بمفرده . هاذي غير بعض الأشياء لي تحفزك أنك تخدم مع مقدم خدمات في العمل الحر بعيدا عن إضاعة الوقت فالبحث عن الموظف المناسب لي يخدم معاك فالشركة ، فالعلاقة و الإرتباط مع موظف في العمل الحر سهلة و سريعة . فأشنو ممكن نستافد كمشغل إلا وظفت شخص في العمل الحر على أنني نوظف شخص في العمل التقليدي و واش هادشي عندُ إضافة على إنجاز العمل ؟
توفير المال
في السياق الإقتصادي ، كيتعتابر الجانب المالي معيار للإختيار ما بين موظف عادي و موظف في االعمل الحر ، بحيث أن الشركات كتسعى بشكل متزايد إلى تقليل التكاليف والنفقات لضمان الإستدامة ديالها . ه ه أحد المعايير لي كتستعمل الشركات سواء الصغرى أو المتوسطة أو الكبرى في إتخاد قرار العمل مع أشخاص في العمل الحر و حتا الشركات لي يلاه بدات و معندهاش رأس المال لتوظيف موظف رسمي . فالموظف الرسمي كيفما كان حجم الشركة فهو كيتعتابر " تكلفة " لي خاص الشركة تتحملها ، هادشي علاش العمل مع شخص في العمل الحر كيبقا أفضل ، لأن التكاليف الإضافية كالتأمين ، مصاريف السفر في إطار العمل ، الإحتياجات داخل الشركة و غيرها من التخصيصات الجانبية ما كتحتاجهمش مع موظف في العمل الحر . و كذلك كاينة واحد الخاصية هي أنه الموظفين المبتدئين كيطلبوا سعر أقل من الموظفين أصحاب الخبرة ، و هاذي نقطة إيجابية ممكن تكون فصالحك كمشغل باش توفر المال .
توفير الوقت
الأشخاص في العمل الحر كيمتاز الوقت ديالهم بفترات زمنية مرنة بشكل خاص بالنسبة للموظفين العاديين ، فهو كيكون عارف الوقت ديالُ مزيان و كيقدر يفرقوا كيفما بغا . فلهذا ما يكونش عندك شك في أنك إ طلبتي منُ إنجاز عمل فهو غادي يحاول يرجعوا لك في أقرب وقت من بعد الطلب ديالك و الإتفاق على شروط العقد . كيفما أنه للعمل معاه غادي تتجاوز العديد من الإجراءات الإدارية التقليدية لي كتنفذها إدارات الموارد البشرية و حتا التأخير لبداية تشغيل و محاولة إدماجُ في منظومة العمل لي كطلب وقت .
الموظف في العمل الحر عندُ شبكة واسعة
مقدموا الخدمات أو الناس لي كيخدموا في العمل الحر كيخدموا بشكل عام مع بزاف ديال المشغلين و الشركات حول العام ، الحاجة لي كتخلي الشبكة ديالهم كتوساع من ناحية المعارف و الخبرات ، وبالتالي هادشي غادي تستافد منُ أنت كمشغل بشكل غير مباشر ، كيفما أنهم كيوليوا يتمتعوا بمرونة و سلاسة و مهنية عالية .
إرضاء العميل
حاجة واضحة ، فأي موظف كيبغي يرضي العميل ديالُ ، لأن الإرضاء كيبقا ضروري بالنسبة لشخص في العمل الحر ، لأنه رضا العميل لازم من أجل السيرورة ديالُ في العمل الحر و اكتساب عملاء جداد .
أثبت مقدموا الخدمات في إطار العمل الحر ، أنهم شركاء عمل ممتازين ، سواء كان الأمر كيتعلق بتكليفهم بمهام سريعة و صعبة أو مشاريع كبيرة خلال فترة زمنية معينة و لي ممكن تكون محدودة ، فهما معروفين بأنهم كياخذوا كل مهمة من المهمات ديالهم على محمل الجد و بالتالي كيقدموا دائمًا لعملائهم نتائج إيجابية و مرضية . فلا شك أن عملك معاهم كمشغل ما غاديش تندم عليه .
