الإيديتينغ و العمل الحر

أشنو هو الإيديتينغ ؟
الإيديتينغ أو التوضيب هو عملية   التعديل،  الجمع و التصحيح  للصور أو الفيديوهات أو أي تصميم  كيفما كان النوع أو الطبيعة ديالوا ، و ذلك باستعمال الأدوات و الآليات المناسبة.

  فين كيتستعمل الإيديتينغ ؟ 
مجال التصوير الفوتوغرافي  من المجالات لي كايتستعمل فيها التعديل أو  الإيديتينغ ، بحيت أن أي تصويرة كاتحتاج لبعض اللمسات و التعديلات باش تبان مثالية حسب الرؤية و العين الفنية  ديال المصور أو الموضب . كاينين  بعض الحوايج لي خاصها تعديل فأي تصويرة  و لي من بينهم الألوان، الإضاءة و التوزيع ديالها و إضافة أو مسح بعض عناصر الصورة ...إلخ

هاذ المجال ديال تعديل الصور اكتاسب أهمية كبيرة في السنين الأخيرة، داكشي علاش شركات البرمجيات الكبرى دارت برامج خاصة لهاذ الغرض لي تقدر تكون فابور أو مدفوعة على حسب المستوى، بحيث أن المجانية كاتكون موجهة للمبتدئين لي كاتوفر ليهم أساسيات التعلم، و المدفوعة كاتكون للناس المحترفين بحيث كتكون كتشمل جميع الخاصيات المختلفة للتعديل.

كيفاش يمكن نقوموا بالإيديتينغ ؟ 
 كاين ما لا يعد و لا يحصى ديال برامج و تطبيقات تعديل الصور، كاينين لي خاصين بجهاز الحاسوب و لي كاتعتابر الأفضل نظراً لقوة ودقة الخصائص لي كاتوفرها، العيب الوحيد أن هذه الأدوات كاتحتاج لجهاز حاسوب جيد نوعاً ما، من بين هاذ البرامج كاين ديال  ADOBE لي كايخدم بيه أي محترف خدام في مجال العمل الحر، أو في مختلف شركات التصميم والجرافيكس بحال مثلا Adobe lightroom  و  Adobe Photoshop CC حيث كايوفرو بزاف ديال   المميزات  لي ماكاينينش فبرامج أخرى بحيث أنها كاتعطي إمكانيات هائلة للتعديل والتصميم وتطبيق المؤثرات لي لا نهاية لها ،عاد إمكانية الربط بين كل برامج إدوبي بكل سهولة لاستخدامها على نفس الصور أو المشاريع بدقة عالية، كيفما كاتعطيك إمكانية امتلاك أكثر من 20 برنامج غيرعن طريق دفع اشتراك شهري واحد لكل البرامج، و كاين برامج أخرى بحال Luminar ،  Gimp،  Photoscape  X، و بلا مانساو تطبيقات الهاتف لي دارت ثورة في عالم الإيديتينغ نظراً لأنها كاتمكن من ربح الوقت بحيث الإمكانيات و التكنولوجيا ديالهم هائلة، ولي كاتمكنك من تنفيذ داكشي لي نتا باغي بسرعة كبيرة. من بين هاذ التطبيقات كاين تطبيق Snapseed الأشهر على الإطلاق على الهاتف و لي دارتو شركة جوجل العملاقة و ولا  الأكثر استخداما من قبل الهواة والمحترفين، ولي تقدر من  خلال دير حتى تصميم الصور وهو سهل للغاية كيفما أنه فابور،   و كاين أيضا تطبيق Prisma Photo Editor  لي حتى هو فابورو كاينصحو بيه خبراء التصوير و فيه بزاف ديال المؤثرات والفلاتر لي كاتخلي التصاور إبانو فحال إلا مصورين بكاميرا سينمائية.

مجال تعديل أو توضيب الصور ولى من المجالات لي مطلوبة  في سوق العمل الحر و كادخل أرباح للناس لي كايعرفو لهاذ المهارة ،  بحيث أنه إقدر أي واحد إكتاسبها و إتعلمها إيلا تْعْطَى  ليها وقت و جهد، و خاصة أنها كترتكز على عدة  برامج و تطبيقات لي غير إلى تعلمتي لواحد منهم تقدر تخدم بيه و تمشي بيه بعيد خصوصا ديال عائلة ADOBE  ، و أيضا لكون وجود مجتمع كبير من مستخدمي هذه البرامج ، الحاجة لي خلات وجود العديد من الشروحات والأمثلة العملية التي كاتساعد على التطور والإبداع باستمرار، كايبقى الفرق غير فكيفية الإستغلال و الخدمة بيها لإخراج تصاور زوينيين لي يقدروا يتباعوا غاليين  أو تخدمهم لشي واحد حسب أشنو باغي .

إلا كنتِ كتقلب على فرصة عمل في محال الإيديتينغ يمكن لك تلقاها في منصة مواهب .