كيفاش تنتاقل من وظيفة عمل عادية لوظيفة بدوام كامل في العمل الحر ؟
إلا كنتِ قررتي تحبس الخدمة لي التوقيت ديالها من "9 إلى 5" ، فمن المحتمل أنك تكون كتحس بواحد المزيج ديال المشاعر ، و لي السبب الوحيد ديالها هو أنك متحمس لأنك تكون أنت هو الرئيس ديال راسك ، و تخدم من الدار بالملابس المريحة ديالك ، و تدير اليوغا في وسط النهار . و لكن من ناحية أخرى فأنت غادي تكون كتفكر فواش غادي تقدر تنجح ولا لا .
أنت أصلا بديتي كتربح الفلوس من العمل الحر من خلال العمل بدوام جزئي مع بعض العملاء ، و بديتي كتخطط باش تخدم بدوام كامل ، و لكن باقي مامستاعدش ، خاصة إلا كنتي باقي ما وصلتيش لهدف ديال المدخول لي مناسب لك ، فماشي ساهل أنك تتاخذ هاذ الخطوة ، خاصك تأكد من أنه يمكن لك تدير تغطية لجميع النفقات ديالك .
كاينين مجموعة ديال طرق التفكير لي تسهل عليك الانتقال من العمل العادي للعمل الحر بنجاح :
قبل من كلشي – الحسابات المالية
قبل ما تتاخذ القرار ديال الاستقالة من العمل ديالك باش تخدم في العمل الحر بدوام كامل ، خاصك تقوم بالحسابات ديالك ، لأن هاذُ حاجات كتختالف بالنسبة لكل واحد ، الحسابات ديالك كتمثل الوضعية ديالك ، و هاذُ هما الحوايج لي خاصك تاخد بعين الإعتبار ملي دير الحسابات ديالك :
المدخرات
شحال خاصك تكون جامع قبل ما تخرج من الخدمة ؟ بالنسبة لبعض الناس ، كيعتابرُ الإدخار المصاريف ديال مدة 3 أشهر مناسب لهم، و بالنسبة للآخرين ، كيفضلوا الإدخار ديال ما بين مدة 6 ما بين أو 12 شهر ، كا يعتامد المبلغ لي غادي تحتافظ بيه على مجموع المصاريف لي عارف راسك كتصرف .
النفقات
مقدمي الخدمات حتى هما عندهم النفقات ديالهم ، هادشي علاش خاصك دير بحساب جميع النفقات فحال الإنترنت ، و الإشتراك في البرامج الإلكترونية ، و الكهرباء ، و الكميات الكبيرة ديال القهوة ، و غيرها ، لأنها غادي تولي من المسؤولية ديالك . و حاجة آخرى مهمة و لي هي التقاعد ، غادي يكون خاصك أنت تخلصُ لراسك بمجرد ما تولي الرئيس ديال راسك ، هادشي علاش خاصك تعتابرها نفقة .
من بعد ما دير الحسابات ديالك ، شوف الخيارات التالية باش تحدد لي مناسب لك :
1.حَوْل الخدمة ديالك العادية لدوام جزئي
إلا كنتِ كتربح غير شوية من العمل الحر ، و كتحس براسك مزال محتاج للراتب ديالك من الخدمة العادية ديالك ، فحاول تشوف واش تخدم بدوام جزئي في الخدمة العادية ديالك . تفاوض مع الرئيس ديالك باش يقلل لك أيام العمل من 2 إلى 4 أيام في الأسبوع ، أو تخدم غير في الصباح ، باش تعطي لراسك ساعات أكثر للتركيز و تنمي العمل و الخدمات لي غادي تقدم للعملاء ديالك .
2.حاول ترَجع الخدمة العادية ديالك لوظيفة عن بعد
ما كتعتابرش الوظيفة عن بُعد وظيفة في العمل الحر ، و لكن تقدر تمنحك قدر كبير من المرونة بخصوص زمان و مكان العمل ديالك ، و كذلك تخليك تحافظ على كسب مدخول بدوام كامل من العمل العادي ديالك . فالعمل عن بعد غادي يوفر لك ساعات عمل كل نهار ، يعني غادي تقلل من الوقت ديال التنقل إلى مكان العمل ، و بالتالي غادي يتزادك الوقت ديال الصباح و المساء لي ممكن تخدم فيهم على الخدمات ديالك فالعمل الحر .
3.حصل على عمل لي تكون ناقصة فيه الخدمة
إلا كانت الوظيفة الحالية ديالك لي بدوام كامل فيها الخدمة بزاف و كترجعك عيان في نهاية اليوم ديالك ، فغادي يكون صعيب أنك تخصص الوقت و الطاقة باش تنمي مشروع العمل الحر ديالك . هادشي علاش حاول تلقى عمل لي فيه مجهود أقل .
إلا كنتي كتقلب على عمل حر بدوام كامل لي يمكن لك تقوم بيه مع العمل العادي ديالك ، فمنصة مواهب كتقدم لك عدد كبير من عروض العمل .
ابدأ باستخدام Mawahib.ma الآن
