كيفاش تخدم كمدير للمشاريع في العمل الحر ؟

العمل الحر عندُ مزاياه : غادي تكون الرئيس الخاص ديال راسك، و غادي تكون عندك المرونة في العمل ، و غادي يمكن ليك تخدم في المساحة الخاصة ديالك .

شكون هو مدير المشاريع مقدم الخدمات ؟

مدير المشاريع مقدم الخدمات هو رائد أعمال كيقود المشاريع نيابة على المنظمات لي كتكون في الأساس هي صاحبة المشروع . كيمتالكُ مديري المشاريع لي فالعمل الحر القدرة على كسب المزيد ديال المال و التمتع بحرية أكبر من ديال لي خدامين  بدوام كامل.

أشناهي مزايا إدارة المشاريع في العمل الحر ؟

كيمنحك العمل الحر كمدير مشروع المزيد من التحكم في الحياة المهنية ديالك و مستوى من المرونة لي ما تقدرش تلقاه ببساطة في وظيفة بدوام كامل ، فبالإضافة أنك تكون الرئيس ديال راسك ، فيمكن يكونوا عندك مجموعة متنوعة من المزايا الأخرى :

• يمكن لك تختار المهام لي باغي تخدم عليها .
• يمكن لك تحدد الأوقات ديال الجدول الزمني ديالك .
• يمكن لك تفرض معدل أعلى من لي كنتِ كتكسبُ كموظف بدوام كامل في غالب الأحيان .
• يمكن لك تخدم على مجموعة متنوعة ديال المشاريع .
• عندك الفرصة باش تتلقى بالمزيد من الناس و بالتالي يكونوا عندك المزيد ديال العلاقات .

نصائح باش تولي مدير مشاريع ناجح في العمل الحر :

إلا كنتِ كتفكر في الدخول في حياة مدير مشاريع مقدم خدمات ، فهاذي شي حوايج لي خاصك تعرفها باش تكون ناجح :

1.حاول تبقا ديما تقوم بتحديث للمهارات ديالك

على الرغم من أنك تقدر تكون خدمتي لسنوات في إدارة المشاريع بدوام كامل ، فدابا وليتي باغي ترجعوا على حساب الشروط الخاصة ديالك و ديال العمل الحر . الصعوبات كاينة في التقدم السريع ديال التكنولوجيا و التغيرات في هياكل الشركات و مناهج الإدارة الجديدة . فمن الضروري أنك تبع الأفكار الجديدة باش تقوم بتحديث للمهارات ديالك ، هادشي ما كيعنيش أنه خاصك تقرا بزاف ديال المجلات البسيطة كل صباح ، و لكن يمكن لك بكل سهولة تقرا غير المدونات على إدارة المشاريع أو أنك تشتارك في دورات تدريبية على الإدارة و التسيير ، فالتعلم المستمر هو لي غادي يميزك كمدير مشروع في العمل الحر مبدع .

2.حافظ على التواصل الواضح

التواصل المزيان هو أفضل أداة كيمتلكها مدير مشاريع في العمل الحر ، من الضروري أنه يبذل مجهود باش يحافظ على حوار مفتوح مع أصحاب المشروع بخصوص جميع جوانب المشروع ، سواء من خلال بريد إلكتروني موجز ​​يومي أو اجتماع أسبوعي لتحديث أخر المستجدات ، فهاكا غادي يكونوا عندك إثباتات و تتجنب أي مشكل لاحق و هادشي غادي يبين المصداقية و الموثوقية ديالُ كمدير مشاريع في العمل الحر .

3.خلي الإسم ديالك يكون معروف في مجال إدارة المشاريع

حاجة عادية أن مدير المشاريع في العمل الحر ، لي عندُ خبرة قليلة و علاقات محدودة ما يكونش مرشح رئيسي في نظر العميل . هادشي ما كيعنيش أنه ماشي ممكن تلقى خدمة ! واخا أنه من الأفضل أنك تبدأ في العمل الحر و أنت أصلا محترف ، فراه كاينين طرق أخرى لي يمكن لك تتميز بها .
قم بتنمية الشبكة ديالك من خلال حضور المؤتمرات الرقمية ، و التواصل مع ناس خبيرين فهاذ المجال من خلال وسائل التواصل الاجتماعي ، و حاول تنضم لمجتمعات إدارة المشاريع عبر الإنترنت . حاول تروّج للإسم و العمل ديالك ، و الأهم من هادشي ، كن ديما واثق من راسك .

4.صايب المحفظة الخاصة ديالك

إلا ما كانتش عندك خبرة لي تدعم التجربة ديالك ، فيقدروا أنهم ما ياخدوكش بجدية كمدير مشروع ، هادشي علاش من الضروري في هذا المجال أنه تثبت الخبرة ديالك في مثلا كيفية: قيادة مشاريع لي المدة ديالها سواء قصيرة أو طويلة ، المخاطر و الأزمات ، و إدارة الفريق ، و مهارات التواصل الفعال .

لأنه هاذي هي الحاجة لي غادي تبين الخبرة ديالك و المراجع الشخصية و البيانات الثابتة ديالك ، سواء كنت خدمتي لمدة عام أو أقل أو أكثر ديال الوقت ، فخاصك ديما تدير تحديث للمحفظة الشخصية ديالك كل مرة دخلتي لوظيفة جديدة .

5.حدد ساعات العمل ديالك عن بعد

الناس لي خدامين في العمل الحر ، كيدوزوا فترات طويلة في العمل عن بعد ، فالعمل عن بعد هو جزء لا يتجزأ من هاذ الوظيفة ، و العمل عن بعد عندُ تحدياتُ الخاصة ، هادشي علاش خاصك توضع جداول عمل واضحة و منسقة من الأول باش تتجنب الضغط ديال مواعيد إرجاع العمل .
غادي يقدر أي مدير مشروع عندُ الخبرة يقولك أن التأخير حاجة محتملة ، و المشاكل محتملة ، و الأخطاء حتى هي لا مفر منها . فالعمل لساعات طويلة غادي غير يزيد من احتمالية حدوث هذه التحديات و صافي ، و غادي يقلل حتى من القدرة ديالك على التعامل مع المواقف ديال الخدمة بمهارة فالوقت المناسب .

الطريقة الوحيدة باش تفهم أشنو خاص المشروع يعطي هي أنه يكون عندك فهم واضح لأهداف المنظمة لي غادي تخدم معاها و مبادئها ، يعني أنه تكون قادر على تحديد واش الإحتياجات ديالهم كتتناسب مع الطموحات و القيم المهنية ديالك . كتستاند علاقة العمل المزيانة على الثقة و التفاهم المتبادل ، و هادشي ما خاصوش يختالف حيث أنت في العمل الحر .

خاص يواكبُ مقدمي الخدمات أحدث الإتجاهات و التقنيات ديال إدارة المشاريع و خاص يكونوا على دراية بأفضل برامج إدارة المشاريع لي غادي تساعدهم .

إلا كنتِ باغي تبدا كمدير مشاريع في العمل الحر ، فمنصة مواهب غادي تواكبك و تساعدك باش تلقى أصحاب المشاريع لي مستاعدين يخدموا معاك .