العطلة و العمل الحر ؟ واش ممكن نستافد من عطلة فحال أي موظف أخر؟
بزاف ديال الناس لي خدامين في العمل الحر تخلاوا على الحق ديالهم في أخد استراحة أو عطلة ، و لكن خاصهم يفهموا حاجة و لي هي أنهم حتا هما من حقهم العطلة وكا يتستحقها ، لأن كل شخص كيفما كان كا يحتاج إلى إجازة أو عطلة ، و وقت باش يعاود شحن البطارية ديالُ ، و كذلك يخلي مستويات التوتر لي عندُ تنخافض إلى مستوى مقبول ، و يعطي لعقلُ وجسدُ بعض الراحة . فخاصك دير فراسك أنه إلا كنتي خدام في العمل الحر أي بشكل مستقل ، راك تقدر تحتاج إلى عطلة أكثر من أي شخص آخر ، لأنه طبيعة العمل الحر بعض المرات كيطلب منك أنك تخدم على مدار الساعة طوال أيام الأسبوع ، أكثر من الموظفين في الأعمال الأخرى .
ملي كتكون خدام في العمل الحر ، فما كيكونش عندك رئيس لي غادي يوافق على إمتى تاخد الإجازة ديالك لأنه أنت الرئيس ديال راسك و هاذي حاجة مزيانة ، و لكن ما غاديش يكونوا عندك زملاء العمل لي ممكن يتكلفوا بتتمة الأعمال و المهمات لي كدير ..... كيفما أنه ما كاينش قسم محاسبة لي غادي يستمر في إرسال لك مستحقاتك المالية أثناء غيابك ملي تكوم كتقضي وقت ممتع . هاذُ مجموعة من الأفكار لي كا تبقا تجيك في بالك و لي غادا تخلي فكرة أخد عطلة شيء مستحيل و لكن إلا زدتي فكرتي و عرفتي كيفاش تسير راسك فتقدر تاخد عطلة فحال جميع أنواع الموظفين . و هذي بعض النصائح لي ممكن تساعدك في تسيير أخد وقت للراحة و العطلة :
خطط للمستقبل قدر الإمكان
كلما تمكنتِ من التخطيط للمستقبل ، فكان هادشي أفضل . أولا إلا فكرتي في أنك تاخد إجازة فهادشي ما كيعنيش قضاء عطلة نهاية أسبوع طويلة بشكل عفوي فقط ، ولكن لقضاء عطلة لمدة أسبوع أو أسبوعين ، لأنه هاذ المدة المطولة هي لي غادا تمنحك فرصة للاسترخاء ، و لي خاصك تخطط ليها مسبقًا جيدا و مفصلا باش تعيش و ترتاح فكل لحظة منها .
الإجازات عند الناس لي فالعمل الحر كتعني أنك تخدم الخدمة و المهمات لي عندك بواحد الوتيرة مضروبة في مرتين قبل إجازتك ، و من بعد أكثر قليلاً من لي موالف ملي ترجع من العطلة ، هاكا باش تحافظ على التوازن و النظام لي كنتي مقادُ و خدام عليه من قبل و لكن هادشي ماشي شي حاجة ضرورية . كذلك ما تنساش أن العلماء و المشغلين ديالك غادي يكون من الأخلاقي يعرفوك مسبقا أنك كتخطط باش تاخد عطلة ، فهادشي بالضبط غادي يخليك تحافظ على علاقة جيدة مع العملاء ديالك ، و تكون صاحب الثقة، و كذلك إلا علمتيهم في أقرب وقت غادي تخليهم يعرفوا كيفاش يسيروا إحتياجاتهم فالغياب ديالك .
ضع ميزانية
ربما أكبر عيب في عالم العمل الحر هو عدم وجود عطلة لي مدفوعة الأجر فحال الأعمال العادية ، هادشي علاش خاصك تكون كتعرف كيفاش تخطط للميزانية ديالك كشخص حر و عندُ مداخيل ربما من مجموعة من المشاريع عبر العمل الحر ، فهاذ الميزانية حاول تقاد و تحسب القدر المالي لي غادي تحتاج على قبل الإجازة و كذلك تكون عارف شحال ديال الخسارات غادي يكونوا عندك إلا حبستي واحد الجزء من العمل ، و هادشي واش غادي يكون عندُ تأثير لنفقات ما بعد الإجازة .
طلب المساعدة
إلا كانوا عندك أصدقاء خدامين حتا هما في العمل و في مجال العمل ديالك و كثيق فالعمل ديالهم و عارف أنه عندهم كفاءة و أنهم كيقدموا نفس المستوى فحالك ، فأنت ممكن تطلب منهم المساعدة إلا كانوا متوفرين بطبيعة ، و هاكا غادي تضمن إستمرارية العمل و تفادى الضرر لي ممكن يوقع و تتأثر بيه سيرورة العمل لي كتقدم ، كيفما أنه ممكن من بعد حتا أنت تساعد الأصدقاء ديالك إلا كانوا محتاجينك .
