في إطار العمل الحر ، كيفاش نكتب رسالة طلب عمل إلا كنت مبتدئ ؟
عادة مقدمي الخدمات كيرسلوا رسائل طلب العمل بلا ما يديروا أبحاث على المشروع لي تقتارح و يعرفوا عليه أكثر أو ما كيبينوش فالرسالة القيمة المضافة ديالهم للمشروع ، وكاين لي كيستعمل نفس الرسالة لجميع عروض العمل .
واش أنت من هاذ النوع ديال مقدمي الخدمات ؟
إلا كان الجواب أه ، ماشي مشكل فهاذا هو وقت التغيير باش يمكن لك تحصل بسهولة على خدمة في منصة مواهب ، هاذ المقال غادي يوضح لك الطريقة أو المنهجية باش تكتب رسالة طلب عمل فعالة .
كتهدف رسالة طلب عمل إلى إقناع و بسهولة العميل أو المشغل بلي مقدم الخدمات مؤهل بدرجة كافية باش يتولا المنصب ديال المشروع المقترح .
هاهما بعض النصائح باش تكتب رسالة طلب عمل ديالك .
اكتب مقدمة قوية
المقدمة ديالك هي لي غادي تخبر العميل ديالك بأشنو ممكن يتوقع منك و تقنعُ أنه يكمل القراءة ديال تتمة الرسالة . هادشي علاش خاصك تقدم أحسن ما عندك باش تكتب مقدمة مقنعة . قدم نفسك مزيان للعميل و بين ليه أنه يمكن لك تقدم خدمة أفضل باش ينجح المشروع ديالُ . يمكنك لك تبدا بجمل فحال "سيدي مدير التوظيف" أو إلا كنتي قدرتي تعرف اسم ديالُ فغادي يكون أحسن .
اكتب رسالة مقنعة و قصيرة
خاص الهدف ديال رسالة طلب العمل الخاص بك يكون هو إقناع العميل . فالعملاء أو المشغلون يقدروا يكونوا وصلوهم بزاف ديال طلبات من عند مقدمي خدمات آخرين لي مهتمين بالعمل فحالك . هادشي علاش خاص طلب العمل ديالك يكون جذاب و فريد و مقنع بما فيه الكفاية باش توجه الإنتباه ديال المشغل للملف الشخصي ديالك .
كيفما خاص الرسالة تكون قصيرة ، حاول تضيف التفاصيل لي متعلقة بالطلب ، و لكن باستخدام المصطلحات الصحيحة باش دير تسويق لراسك بطريقة مزيانة ، لأن اختيار ديالك للكلمات المناسبة حتا هو مهم بزاف .
استاعن بالخبرات المناسبة للعمل
بزاف ديال العملاء كيترددوا أنه يخدموا مع المبتدئين لي ما عندهمش خبرة كافية . و هادشي كيعتامد على القدرة ديالك على إقناع العميل باش يختارك من بين مجموعة من مقدمي الخدمات لي عندهم الخبرة . و لكن ، خلي فبالك أنه كاين أمل أنك تفوز بمشاريع بدون خبرة .
خاصك تتكلم على التعليم و المهارات و الخبرات ديالك مع الأخذ بعين الاعتبار أنه إلا كانت عندك خبرة ، فحاول اذكر غير لي متعلقة بالخدمة لي مطلوبة . كيفما يمكن لك تستاعن بالمشاريع السابقة لي خدمتي عليها ، و تشرح كيفاش يمكن للمهارات و المعرفة المكتسبة ديالك تعاونك باش تنجح المشروع المقترح .
حاول تستغنى على العبارات الغير صحيحة
كاينة حقيقة و لي هي أن حتا واحد ما يقدر يثيق بهداكشي لي مكتوب حتى كيتم إثبات عمليا من طرف مقدم الخدمات ، هادشي علاش خاصك تجنب استخدام الجمل الغير صحيحة . فإلا كنتي عارف جودة العمل ديالك و باغي تبينها ، فأفضل طريقة هي أنك تستاعن بشهادات من الأشخاص لي خدمتي معاهم في الماضي باش يأكدوا الكلام ديالك .
يمكن هاذ الشهادات تاخدها حتا من عند المعلمين أو المدربين أو الزملاء أو أي متخصص آخر خدمتي معاه من قبل ، لأن معظم العملاء بإجراء فحوصات خلفية جادة باش يعرفوا المزيد على مقدم الخدمات قبل ما يمنحوه المشاريع .
دير فبالك أنه إلا تبعتي هاذ النصائح درتيهم و بشكل صحيح ، فغادي يكون من الأسهل تقنع العملاء يخدموا معاك .
كتقدم لك منصة مواهب مجموعة واسعة من المشاريع لي يمكن لك تخدم عليها حتا إلا كنتي مبتدئ .
