العمل الحر : الفخ لي خاصك تجنبُ
بصفتك مقدم خدمات ، سواء كنتِ مبتدئ أو عندك بعض الخبرة ، كاينين بعض الفخاخ لي خاصك تتجنبها ، باش ما تخاطرش بالعمل ديالك .
فمن المهم أنك تتعلم و تعرف كيفاش تتفداها . غادي نقدموا لك بعض النصائح باش تجنبهم :
كتبغي كلشي بسرعة
فالأول بزاف ديال مقدمي الخدمات ملي كيبداوا كتكون عندهم الثقة ، بحيث أنهم كيقادوا ملف التعريف و المحفظة الخاصين بهم ، و كيعتاقدوا أن العملاء غادي يجيوا هاذيك الساعة . و لكن لسوء الحظ ، غالبًا ما كتكون مراها خيبة أمل ملي كيكون العكس ديال داكشي لي بغاوا .
ما كديرش التسويق للخدمات ديالك مزيان
خاص يكونوا جميع مقدمي الخدمات قادرين على أنهم يسوقوا للخدمات ديالهم ، خاصك تكون كتعرف كيفاش تبين راسك بطريقة مناسبة لمجال العمل ديالك . فبشكل عام ، خاصك تشرح للعملاء ديالك أشنو هي الخدمة لي غادي تقدم و باش غادي تفيدهم و القيمة لي غادي تضيف بالتحديد للعميل ديالك . خاص أي حاجة تكون منسقة و مبررة : الأسعار لي كتحدد ، أساليب العمل لي كا تعتامد ، و غيرها .
ما كتكونش انتقائي بخصوص العملاء ديالك
هذا واحد الفخ لي كيوقعوا فيه بزاف ديال مقدمي الخدمات و بلا ما يدركوا ! بحيث أنهم كيقبلوا بأي وظيفة ، خاصة في البداية بسبب الخوف من أنهم ما يلقاوا حتى عمل أخر ، في حين أن هذا فخ .
ما كتتفاوضش
هاذي مرتابطة بالفخ السابق . التفاوض هي مهارة خاصك تتعلمها ! لأنه من الضروري تعرف طرق المناقشة ، مع الحفاظ على اللباقة و الدبلوماسية (لي هما جوج ديال الأمور الضرورية لمقدمي الخدمات !) غادي يساعدك في التفاوض في أنه تكون عندك استراتيجية تسويقية مرنة لي تخليك تبرر الموقف التفاوضي ديالك .
ما عارفش الحقوق ديالك
أنك تكون مقدم خدمات يعني أنك تتحمل المسؤوليات الكاملة ديال كل خدمة قبلتي ديرها ، و لكن هادشي ما يمنعش أنه تكون كتمتالك حتى الحقوق ديالك و لي خاصك تكون عارفها . فبصفتك في العمل الحر ، فحتى واحد ما هو رئيس ديال واحد أخر ، لأن المبدأ ديال العمل الحر هو التعاون ، لي مبني على الشراكة لغاية إكمال المشروع بشكل مزيان . فخاصك تعرف أنه عندك الحق في طلب الأسعار و المواعيد النهائية المناسبة و المعقولة بالنسبة لك .
تخطي المرحلة ديال العقد
خاصك دير فبالك أنه لا ينصح أنك تبدا في العمل بدون ما توقع على العقد أو أنك تاخذ دفع مقدم . فهذا الفخ كيوقعوا فيه مجموعة من مقدمي الخدمات ( خاصة هاذوك لي كيكون خاصهم يقوموا بأمثلة تجريبية على العمل لي ممكن يقدموا للعميل ) .
ما كتبقاش على اتصال مع العملاء ديالك
بزاف ديال مقدمي الخدمات ما كيهتموش بالاتصال مع العملاء لي خدموا معاهم ، من بعد ما كيساليوا معاهم . هاذي حاجة خاصك تفاداها ، لأنه التواصل المستمر هو وسيلة مزيانة لي تخليك تحتافظ بالعملاء ديالك و تبني مجموعة ديال العلاقات لي ممكن تنفعك .
ماشي شي حاجة ساهلة أنك تتجنب توقع شي فخ ، كيفما أنه ما خاصكش تخاف من أنك توقع فيه ، لأنه في الأول هادشي غادي يسرع لك عملية التعلم و حتى اكتساب الخبرة و يخليك تتفادى ترتاكب نفس الخطأ جوج مرات .
إلا كنتي كتقلب على فرص ديال الخدمة في العمل الحر ، فمواهب كتقدم لك مجموعة واسعة من فرص العمل لي يمكن لك تمارسها على حساب الخبرة لي عندك .
