استراتيجيات المبيعات : أشنوهي و كيفاش تكون عندك استراتيجية فعالة ؟

إلا كانت عندك استراتيجية مبيعات جيدة في التنظيم و التنفيذ ، فما غاديش غير تنجح أنت و الفريق ديالك فقط ، فغادي يمكن ليكم تحددوا المخاطر و حلول للمشاكل قبل ما يولي الحل ديالها صعيب . 

أشنوهي استراتيجية المبيعات ؟
استراتيجية المبيعات هي الخطة لي كتوصف طرق البيع لي كيستعملوها أصحاب المشاريع للمنتجات أو للخدمات ديالهم . فهي منهج مخطط بالتفصيل لي كيحدد و يبين التوقعات ، و يوضح المبيعات ، و يطور القواعد و ينشئ الطلبات . 

كتجاوب استراتيجية المبيعات على الأسئلة الثلاثة التالية :

أشنو غادي نبيعوا ؟

لمن غادي نبيعوا ؟

أشناهي الطرق لي غادي نستعملوا باش نبيعوا العرض ديالنا ؟ 

استراتيجية المبيعات كتخلي الشركة تشوف راسها بطريقة واضحة . كتضمن عادةً عمليات مفصلة و أفضل الممارسات لي ممكن يقوم الفريق لي مكلف بالمبيعات باستعمالها باش يبيعوا المنتوجات أو الخدمات بسهولة أكبر .

كيشمل إنشاء استراتيجية مبيعات كل من تحديد ديال السوق المستهدفة ،  البحث على المنافسين ، تحليل الاتجاهات الرائجة ، و تحديد طرق ديال البيع و الترويج . 

هاذي المجموعات الثلاثة و العامة الخاصة بمختلف أشكال استراتيجيات المبيعات : 

- استراتيجيات المبيعات لاكتساب زبناء جداد 1
هاذي طرق رائعة لي كتعطي المزيد من المبيعات و الأعمال لأصحاب المشاريع أو للشركات و هي من خلال البحث على مجموعة من الزبناء جداد لي باقي ما عرفوش بوجود المشروع . كا تعتابر استراتيجيات المبيعات ديال هاذ المجموعة مهمة بزاف ، لأنه عادة ما مجموع الزبناء كينقص بنسبة 22.5٪ كل عام ، الحاجة لي كتخلي المسؤولين على المبيعات كيبحثوا باستمرار على طرق لي تخليهم يلقاوا هاذ النوع ديال الزبناء الجداد باستراتيجيات هاذ المجموعة . 

استراتيجيات المبيعات للاحتفاظ بالزبناء الحاليين -2
هذا نوعا ما بسيط من استراتيجيات المبيعات بحيث أن مشروع كيقوم بتسويق منتوجات أو خدمات جديدة للزبناء الحاليين . كا تعتابر استراتيجيات المبيعات ديال هاذ المجموعة هي الأسهل في الإستعمال لأنه كتكون قمتي بإنشاء من قبل علاقة ثقة مع الزبناء ديالك.

تقدر تنداهش إلا عرفتي بلي الزبناء كينفقوا عادة أكثر بنسبة 67 ٪ ملي كيكونوا في السنة الثالثة من العلاقة مع المشروع ديالك ( مقارنة بالسنة الأولى ) . هادشي علاش خاصك ديما تحاول تقدم عروض لي تناسبهم لأنه وليتي كتعرف أشنو كيبغيوا من عندك و هاكا غادي يحسوا أنك كتفهمهم شخصيا و كتعامل معاهم مزيان  و يثيقوا فيك . 

استراتيجيات المبيعات لي كتهدف لتحسين معدل تحويل الزبناء الحاليين إلى زبناء مخلصين-3
يمكن لك تعتابر هاذ الاستراتيجيات كنوع لي كيتكلف بتحسين معدل تحويل الزبناء . الهدف ديال هاذ الاستراتيجيات هو الحصول على المزيد من الزبناء من خلال طرق التسويق المختلفة . كتختالف تكلفة التسويق للمشروع ديالك لزبون واحد اعتمادا على المصدر لي تعرف عليك فيه ، فعلى سبيل المثال ، كيكلف الزبون لي جاي عن طريق عملية تحسين محركات البحث 14 دولار ، بينما كيكلف الزبون لي جاي من حملة إعلانية 71 دولار .

هادشي كيعني أنه إلا حولتي عدد كبير من الزبناء ، فأنت كتقلل بشكل كبير من الإستثمارات و الجهود ديالك في توليد الزبناء الجداد من خلال مختلف أساليب التسويق المكلفة . كتهدف جميع استراتيجيات المبيعات لي كتنتمي لهاذ المجموعة في تحسين عملية المبيعات و تحسين العروض التقديمية و حتى التعامل مع الاعتراضات و التسيير ديال الزبناء .