أنواع مقاطع الفيديو في الشبكات الاجتماعية

المشاركة عبر مقاطع الفيديو على الشبكات الاجتماعية ولات بشكل متزايد إحدى الطرق لي فعالة . و لكن أشنو نوع الفيديو لي كيفضلُ الجمهور أو كيعجبوا ؟ إلا كنتي فنان / مؤِثر أو صاحب علامة تجارية فأنت أكثر واحد كا يستاعن بالفيديوهات ، ملي تبغي تحدد فكرة أو أفكار ديال الفيديو الأفضل ، فأنت غير زعم و حاول تجرب حوايج مختلفة ، هاكا باش تعرف أشنو لي غادي يعجب الجمهور ديالك أكثر . إلا بغيتي تعرف كيفاش تقاد فيديو باش تشاركوا في الشبكات الإجتماعية ، يمكن لك ترجع لمدونة منصة مواهب .

فهاذ المقال غادي نعرضوا فيه مختلف أنواع مقاطع الفيديو الناجحة على شبكات التواصل الإجتماعي . 

1 . مقاطع فيديو البث المباشر

جميع أنواع منصات الشبكات الاجتماعية كتمتاز بعرض خدمة البث المباشر لي كتوصل للجمهور بشكل كبير، بحيث أن البث المباشر كا يتعتابر طريقة فعالة لي غادي تخلي العلامة التجارية ديالك أكثر شفافية ، هاذ النوع ديال الفيديو غادي يمنحك زيادة فالمشاركات و يخلي التواصل مع المتابعين ديالك يكبر . 

2 . فيديوهات شرح و عرض المنتوجات

على حساب واحد الدراسة ، أن 78٪ من الأشخاص القرارات الشرائية مبنية على أنهم شاهدوا هاذ النوع ديال الفيديوهات على وسائل التواصل الاجتماعي ، لكون أن هاذ النوع ديال الفيديو يعد طريقة رائعة لعرض منتوجات و شرح طريقة العمل ديالها و المميزات الخاصة بها . 

3 .مقاطع فيديو ديال المقابلات/ أسئلة و أجوبة

كا تعتابرالفيديوهات من هاذ النوع ، المقابلات الإعلامية أو الأسئلة والأجوبة وسيلة رائعة حتى هي لي تخلي الجمهور ديالك يتعرف عليك أكثر ، من خلال الإجابة على الأسئلة لي مطلوبة أكثر و كا يسولوك عليها بزاف . يمكنك ليك تقاد الأسئلة مسبقا ديالك لي أنت صايبتيهم و من بعد تبدا في الفيديو سواء على شكل مقابلة أو تقدر طلب من الجمهور ديالك يخلي لك الأسئلة لي من اختيارُ . 

4 .فيديوهات خلف الكواليس

الناس كيبغيوا أنهم يشوفوا أش كاين وراء الستار ! إلا كانت عندك شركة و بغيتي الزبناء ديالك يثيقوا فيك ، فهاذ النوع ديال الفيديوهات مناسب ليك ، باش توري الأعمال ديالك كيفاش كتسير و بالتالي تبني الثقة و الترابط مع الزبناء ديالك ، فحال مثلا توريهم جولات في المكاتب و المصانع ، كذلك كاين موضوع مثالي لمقاطع الفيديو من وراء الكواليس و لي هو عرض عملية إنتاج شي منتوجات جديدة . أما إلا كنتي مؤثر أو فنان فحاول دير فيديو على وراء الكواليس ديال شي حدث حضرتي ليه .

إلا كنتي كتقلب على مصور محترف لي يمكن ليه يساعدك في تصوير فيديو ما وراء الكواليس ، فما عليك غير تلقي نظرة على منصة مواهب باش تلقى مصور محترف .

5 .مقاطع فيديو لربح الهدايا

ما يمكنش لنا نكروا أن كلشي كيبغي الحوايج لي فابور ! ربح الهدايا أو مسابقة الغيف أواي ، طريقة ناجحة لي تخلي الجمهور ديالك يبغي يشارك معاك و يتعرف عليك . بحيث أنه يمكن لك تصايب مقطع فيديو تروج في للمسابقة ديالك ، و من بعد تحاول دير فيديو باش تعلن على الفائزين أو يمكن لك تنظم بث مباشر و تختار الفائزين مباشرة .

6 .فيدوهات للإعلان

هاذ النوع ديال الفيديو يمكن لك تستاعن بيه باش تعلن على أخبار مهمة ، فحال مثلا إنشاء مجموعة جديدة ديال المنتوجات لي تابعة للعلامة التجارية ديالك ، فهاذي كتبقى الطريقة المثلاية باش ضمن أن الزبناء ديالك الموجودين في مختلف الشبكات الإجتماعية

يطالعوا على مستجدات العلامة التجارية ديالك .

عدد من صانعي الفيديوهات كاينين على منصة مواهب و لي مستعدين أنهم يعاونوك أنك تحصل على مقاطع فيديو احترافية .