كيفاش كيتم تسيير فرق العمل عن بعد ؟ النصائح و الأدوات

مع مرور الوقت و على حساب أشنو كتتطلب الظروف ، ولاو فرق العمل عن بعد أو الافتراضية أكثر استعمالا . فإلا كان عندك فريق افتراضي و كتواجه مشكل فالإدارة و التسيير ديالُ ، فهاذ المقال غادي يعونك باش تكتاشف كيفاش ممكن تقوم بإدارة الفريق الافتراضي ديالك و كيفاش تزيد في قدرات إدارة المشروع .

إدارة الفريق الافتراضي
ولاوا بزاف ديال الفرق الافتراضية متواجدين في مجموعة من المؤسسات ، هادشي علاش ولا كيتعين على المديرين و المسيرين أنهم يواجهوا التحديات لي كتكون حاضرة من أجل سيرورة المشروع . فبناء ثقافة في المؤسسة لي كتهتم بمفهوم الفرق الافتراضية ، حاجة ، و لكن خاص المدير يخلي هاذ الثقافة سارية مع استمرار العمل الفرق عن بُعد . خاص يقوم بتوحيد نظام العمل ، و يحافظ على المرونة الكافية ما بين أعضاء الفريق .

المحافظة على التواصل المنتظم كيخلي الفريق يكون مع بعضُ
كيحتاج أعضاء الفريق لتواصل ، لأنه هو العامل لي كيخلي الفريق الافتراضي يكون ناجح . خاص يكونوا بزاف ديال الطرق ديال التواصل مع المدير أو المسير ديال أعضاء الفريق . في بعض الحالات ، يقدر يكون استعمال البريد الإلكتروني حاجة مزيانة ، و لكن بعض المرات تقدر تكون الأمور عندها أهمية كبيرة و لي كتتطلب رسالة نصية أو مكالمة هاتفية ، هادشي علاش خاص الفريق يشارك مع بعضُ مختلف أنواع وسائل التواصل لي كيستعملوا .

جدول زمني مرن أو صارم؟
اعتمادًا على نوع العمل ديالك ، يمكن للفريق الافتراضي يخدم على حساب الساعات الخاصة به و على حساب المنطقة الزمنية لي كينتميوا ليها أو يمكن جدوا زمني صارم يعني يخدم على حساب ساعات العمل المعروفة في المكاتب . في الحالتين بجوج ، خاص يكون نوع من الإدارة و التسيير باش يكون التواصل سهل و وقت مناسب للجميع الأعضاء .

التسيير في الفرق الإفتراضية
البقاء على مستوى من الاحترافية حاجة ضرورية ، ولكن بطبيعة على حساب نوعية العمل و المهمات ، فكتتم قيادة الفرق الافتراضية على هاذ الحساب ، و لكن من المهم و الضروري أنه يكون لكل عضو في الفريق مساحة مخصصة ليه باش يركز أكثر على العمل ديالُ .

في العمل العادي ، المدير الجيد كيكافئ الفريق على العمل لي كيدار مزيان ، و هادشي كيطبق على الفريق الافتراضي كذلك ، لأنه غادي يساعد على تشجيع الفريق ديالك و يخليهم يخدموا بطرق أكثر إنتاجية

بناء روح الفريق ما بين الأعضاء
أحد الجوانب لي مهمة في إدارة الفريق الإفتراضي هي تطوير الروابط لي كتوحد الفريق ، باش يتمكنوا من العمل بشكل أكثر إنتاجية.من بين هاذ الطرق يمكن يديروا اجتماعات افتراضية ترفيهية ، بحيث يشارك كل عضو في الفريق قائمة فيها 10 أشياء مهمة على راسُ ، تقدر تكون الموسيقى لي كيبغيوا ، أو قصة مضحكة ، أو يدويوا على البلاصة لي كينتميوا ليها - أو أي حاجة آخرى . كيفما ممكن ياخذوا استراحة قهوة افتراضية . فخاصك تحاول تاخذ الوقت و بانتظام ، خلال ساعات العمل ، باش تجمع الفريق ديالك و تخليهم يتخلصوا من العياء ديال العمل و يبدلوا الوقت .
من المهم في البداية ديال المشروع مساعدة الجميع على التعرف على بعضياتهم ، باش يولي الفريق متماسك .