كيفاش يمكن ليا كمشغل نتعامل مع شخص كيخدم معايا في العمل الحر ؟
اختيار الشخص المناسب للعمل معاه
عدد كبير من مواقع الويب و المنصات كتمنح فرص كبيرة للناس لي باغين يخدموا و حتى الناس لي كيقلبوا على أشخاص يتعاملوا معاهم في إطار العمل الحر ، فأنت حاول تعرض الخدمة لي كتطمح تكملها و تلقا لي عونك عليها ، و فكل مرة غادي تلقى شي شخص كيتقدم للخدمة معاك ، فقم بإجراء مقابلة عمل معاه و حاول اطرح عليه الأسئلة الصحيحة و المناسبة على المترشح أو حاول أنت تقلب على المتخصصين لي ممكن يعاونوك أو يخدموا لصالحك ، كيفما أنه ممكن حاول طلب من المترشحين بعض نماذج من أعمال السابقة ديالهم لي فايت ليه خدم عليها فنفس السياق لي كطلب أنت ، هاذ العملية تقدر تاخد لك وقت كبير أو قليل على حساب السرعة ديالك في إيجاد الشخص المناسب و الشروط لي كتحدد و كذلك واش المهمة لي باغي تنجز كاينين الناس لي يقدروا يخدموها و عندهم تجربة .
هادشي كيتسمى بالإتفاق على نطاق العمل و المواعيد و لي هي أفضل طريقة لإدارة مشروع في العمل الحر و لي كتكون من بعد ما تكونوا تفاهمتوا بحيث أنه خاصك تحاول أنك تعقد مع الشخص لي ختاريتي ، عقد و توضح ليه شروط العمل معاك كذلك الأشياء لي بغيتيه ينجزها بالتفصيل و الوقت لي بغيتيها تكون واجدة فيه هاكا باش تكونوا على إتفاق تام لي غادي يخليكم تتفاداوا أي عائق من بعد ، حيث الوضوح و الشفافية هو مفتاح علاقة ناجحة بينك و بين الشخص لي خدام معاك و لي غيخلي الخدمة أو المنتوج النهائي يكون في المستوى .
إحترام حدود الشخص أو الأشخاص لي كتخدم معاهم
أهم حاجة ما خاصش تنساها أنت كصاحب مشروع هي أنك خدام مع شخص في العمل الحر و أن العمل الحر من أكبر مبادئ ديالُ هي الإستقلالية ، يعني أن الشخص لي كتخدم معاه أو الأشخاص ما كيكونوش كا يتسناوا منك أنك دير دور المدير لي كيدّخل في في الناس لي خدامين معاه في الأشياء الخاصة بهم أو يفرض عليهم شي حاجة لي ماشي من القيم ديالهم ، هادشي علاش خاصك تخلي حدود بينك أو بينهم ، كيفما أنه خاصك تعرف أنك ماشي الوحيد لي خدامين معاه فهما كيكونوا خدامين مع مجموعة من الناس على مجموعة من المشاريع لي ماشي من حقك تسولوا عليها أو تحاسبوا عليها .
تكوين علاقة طويلة الأمد
حاجة إيجابية أنك تحافظ على علاقة طويلة مع الأشخاص لي كيخدموا معاك بمستوى مزيان و كيقدموا أداء ناجح ، حيث هادشي غادي يوفر عليك العناء و الوقت فأنك تلقى شخص جديد يخدم معاك بنفس مستوى الأخرين لي جربتي تخدم معاهم و كذلك مقابلات العمل و البحث على الأشخاص لي ممكن إخدموا معاك هي عمليات كتاخد الوقت و الطاقة لي أنت ماشي بضرورة تضيعهم ، كما أنه من الممكن أنك تقتارح عليه أشياء أو تخصصات جداد يخدم عليهم ، و هكا غتكون كتعامل مع شخص متعدد التخصصات و المهارات و لي ممكن يخدم معاك مشروع من البداية للنهاية مع إمكانية توفير مبلغ مالي .
العمل الحر كيحمل منافع للطرفين سواء الشخص لي كيكون كيقلب على عمل يربح من تجربة و كذلك ربح مادي أو بالنسبة لصاحب المشروع لي كيقلب على لي عونوا في إنجازعملُ بحيث أنه كيستافد من سرعة و سهولة و جودة و مرونة الأداء و كذلك التكلفة المنخفضة .
