عندك مشاكل مع اللغة الإنجليزية ؟ هاذ الطرق غادي يعاونوك تتعلمها بسهولة

مؤخرا ولينا كنتوقعوا و كنبغيوا الحاجة تكون عندنا و نتعلمو هاذيك الساعة ، لأنه إلا استغرق هذاك الشيء وقت أطول ملي كنا كنتوقعوا في البداية ، كنبداوا نفقدوا الاهتمام ، و هادشي كيشمل تعلم اللغة الإنجليزية . يقدر يكون كيبان لك تعلم اللغة الإنجليزية بوحدك تحدي ، و لكن في الواقع هو ممكن . كاين بزاف ديال الطرق لتحسين مهارات القراءة و الكتابة و الاستماع و التحدث . ولكن إلا كنتي باغي تتعلم اللغة الإنجليزية بسرعة ، فهاذي أسهل طرق باش تحصل على نتائج مزيانة:

1- ابدأ تتكلم بالإنجليزية في أسرع وقت ممكن

إلا كنتي باغي بصح تتعلم تتكلم باللغة الإنجليزية بسرعة ، فحاجة باينة ، أنه خاصك دير محادثات منتظمة مع الناس لي كيدويوا بالإنجليزية بطلاقة . لأنه كلما تمكنتي من كسر الحاجز العقلي لي يمكن ليك تختابر المهارات اللغوية ديالك بصوت مرتفع ، كلما زادت السرعة و القدرة ديالك على التحدث بثقة أكبر . لأنه و بكل بساطة  ، إلا كنتي كتركز أكثر على التمارين اللغوية و القواعد والنظرية لمدة أسابيع ، فإلا ما تتعلمتيش اللغة الإنجليزية عن طريق التحدث ، فتقدر ما تتعلمش كيفاش تجمع هاذ المهارات مع بعضياتهم .

2- دير الحوايج لي كيعجبوك باستعمال اللغة الإنجليزية

بعض الناس كيعجبهم يستعملوا اللغة الإنجليزية في أي حاجة لأنه كتجيهم ممتعة . هادشي علاش حاولوا تفكروا في أي نشاط كيعجبكم ديروه و حاولوا تلقاوا طريقة لي تخليكم ديروه باللغة الإنجليزية . مثالا : إلا كنتي كتبغي تلعب في ألعاب الفيديو على الإنترنت ، فحاول تنضم  للمنصات لي اللغة الرسمية فيها هي اللغة الإنجليزية أولا اضبط الجهاز ديالك على اللغة الإنجليزية باش تبقى ديما تلقى اللغة في كل مرة كتقوم فيها بتشغيل الجهاز ديالك .

3- التواصل مع وسائل التواصل الإجتماعي لي باللغة الإنجليزية

طريقة أخرى رائعة باش تكتاسب اللغة الإنجليزية هي استعمال وسائل التواصل الإجتماعي لي بهاذ اللغة . هاكا غادي تولي متاحة لك فينما مشيتي ، و لي يمكن لك تلقاهم بوفرة على الإنترنت . على سبيل المثال : يمكنك تلقى بزاف ديال البودكاسات ، و العديد من المجلات و حتى الصحف المشهورة على الإنترنت لي كتكون متوفرة بلغات متعددة ، كيفما أنه من السهل فهاذ الوقت تلقى برامج تلفزيونية أو أفلام باللغة الإنجليزية لي يمكن لك تشاهدها عبر الإنترنت ، حاول تشاهدها بلاما تستعمل الترجمة .

4- ماتركزش غير على الحفظ ديال القواعد اللغوية

في العالم ديال تعلم اللغات ، كيظنوا بعض الناس أن القواعد هي الأهم و لي كتستاحق التركيز الكامل ، كيفما ناس أخرين كا يعتابروا أن القواعد مفيدة ، و لكن هي مجرد جزء صغير التركيبة العامة لتعلم اللغات . هادشي علاش ما تبقاش تركز غير حفظ القواعد اللغوية، و تبقا تحاول أنك تهدر باللغة الإنجليزية بطريقة احترافية .

5- جمع الكلمات و العبارات المهمة

ملي تكون كتقرأ أو كتشاهد أو كتستمع شي حوايج باللغة الإنجليزية ، حاول تجمع أي كلمة أو عباراة جديدة ، و حاول تحتافظ بقائمة لي فيها هاذ الكلمات و العبارات ، و وضعها في المكان لي ممكن تشوفها فيه بزاف ديال المرات . و من بعد حاول تستخدمها في كل مرة  تبغي تتكلم أو تكتب باللغة الإنجليزية .

6- خصص وقت في كل نهار للدراسة المنظمة

واحد الحاجة لي تافقوا عليها معظم خبراء ديال تعلم اللغات من خلال الدراسة المنتظمة ، واخا غير خمس أو عشر دقائق فقط في النهار ، لأنه إيجاد الوقت منتظم لتعلم في اللغة الإنجليزية غادي يساعدك في تعلم أي حاجة جديدة بشكل أسرع من ما كتوقع . اقلب على الوتيرة و الوقت لي يناسبُ الجدول الزمني ديالك ، لي ما تتعداش ساعتين ، فمثلا الدقائق العشر الأولى فقط في الصباح من بعد ما تفيق .

إلا كنتي محتاج لشخص لي يوجهك باش تعلم اللغة الإنجليزية مزيان و يتبع معاك ، فيمكن لك تلقى في منصة مواهب مجموعة من الأساتذة و المدرسين لي مستاعدين يساعدوك تكتاسب مستوى أحسن في اللغة الإنجليزية من خلال برامجهم الناجحة .