علاش كيحتاجوا مقدمي الخدمات أدوات التسيير ؟ أفضل 5 برامج ديال التسيير العملي

كيفاش كيتم تسيير بزاف ديال المشاريع في العمل الحر ؟

يمكن يكون التوفيق بين المهام المتعددة ديال المشاريع المتعددة كيتعب ، إلا ما تخططش ليهم مزيان بطريقة صحيحة ، أفضل طريقة لإدارة المشاريع المتعددة ، هي الإستعانة ببرنامج تسيير المشاريع لي كيمنح لك تخطيط للمهام بالزمن و العرض ديالها في جدول زمني ، و بناءً على قائمة المهام لي عندك ، خاصك تحدد المهام لي عندها أولوية .

من الواضح أنه كاين بزاف ديال الحوايج لي متعلقة بكل مشروع و كل مشروع عندُ الخاصيات ديالُ ، هذا هو السبب لي كيخلي المزيد و المزيد من مقدمي الخدمات بداوا في استخدام أدوات تسيير المشاريع ، و لي كيتمثل الدور الرئيسي ديالها في أنها كتخليك ما ضيعش . فبصفتك في العمل الحر ، كيعتمد الراتب ديالك على مدى الالتزام ديالك بالمواعيد النهائية . فيما يلي فوائد استخدام برامج عبر الإنترنت ، لي كتساعد في تسيير المشاريع :

سهولة إنشاء المشاريع

في مجال العمل الحر ، كيتعتابر الوقت حاجة لي ثمينة بزاف ، هادشي علاش تم تصميم برامج تسيير المشاريع ، لي كتلبي بزاف ديال المتطلبات من خلال سهولة الاستخدام ، فهي كتسمح للمستخدمين ديالها بإنشاء مشاريع من البداية ديالها و غير في دقائق ، حتى بالنسبة للمشاريع لي هي الأكثر تعقيدًا و لي فيها بزاف ديال المهام و الأجزاء ديال المهام .

تتبع الوقت غادي يزيد من الكفائة ديالك

كاتعتابر أدوات تتبع الوقت ميزات رائعة كتقدهما برامج تسيير المشاريع عبر الإنترنت ، غادي تساعدك هاذ الميزة في التنمية ديال الثقة مع العملاء ديالك ، خاصة إلا كنتِ كتتخلص للساعة ، كيفما أنه الإستخدام ديال أداة تتبع الوقت غادي يخليك ديما مركز و متحمس على مواصلة المهمة لي كدير . ملي كتكمل المشروع لي كتكون خدام عليه ، غادي يمكن لك تعرف شحال ديال الوقت دوزتيه في كل مهمة من المشروع .
و بهاذ الطريقة ، غادي يمكن لك تحدد نوع المهمة لي ناقصاك فيها الكفاءة أو المهارات أو المعرفة ، بحيث غادي يمكن لك تصمم خطة لي تخليك تحسن المهارات ديالك .

اعطي العملاء ديالك تقارير فورية

كاين بزاف ديال أنواع العملاء ، البعض منهم كيكونوا أقل تشدد ، في حين أنه كاينين وحدين لي كيبغيوا تقارير مستمرة على الوضعية و التقدم ديال المشروع ، الكتابة ديال هاذ التقارير و الإرسال ديالها كيقدر يكلفك بزاف ديال الوقت من الوقت الثمين ، و بصفتك مقدم خدمات في العمل الحر ، خاص تكون عندك أداة لي تساعدك في إنشاء و إرسال تقارير مفصلة ، لي فيها ملخص على وضعية ديال المشروع لي بغيتي في ثوانٍ ، و هذا كيخلي العميل ديالك راضي على الخدمة معاك ، لأنه كيقدر يشوف جميع المهام لي كتقوم بيها .

التعاون كيولي ساهل

بعض المشاريع لي كيخدمُ عليها مقدمي الخدمات ، كتكون معقدة بزاف ، و غالبًا ما كتتطلب هاذ المشاريع المعقدة ، تعاون مع مقدمي خدمات آخرين ، لي كيتم توظيفهم باش يشاركُ معاك في المشروع ، أو في بعض الأحيان غادي يطلب منك العميل أيضًا أنه يحصل على معاينة فورية خاصة بتقدم المشروع ، و في هاذ الحالة يمكن لك تضيفهم للبرنامج معاك .

برامج تسيير المشاريع عبر الإنترنت كيدعموا هاذ النوع من المشاركات و التعاونات ، لأنه يمكن لك تضيف أي واحد بغيتي للمشروع ديالك ، بحيث يمكن لكم تنسقوا المهام و تكملوها بشكل أفضل في الوقت المحدد . هاذ البرامج كيدعموا حتى المشاركة ديال الملفات ، هادشي كيعني أنه يمكن لك تحتفاظ بجميع الوثائق المتعلقة بالمشروع ديالك في البرنامج ، بحيث أنه أي شخص يمكن تشاركها معاه .

غادي يساعدك الإستخدام ديال برامج تسيير المشاريع على أنك تقضي المزيد من الوقت في العمل ديالك ، لكون أن جميع عمليات المراقبة و التسيير كتم تلقائيًا ، و يمكن لك حتى تتحقق من التقدم ديال أي مشروع في أي وقت ، كيفما أن هاذ الأدوات متوافقة مع الأجهزة المحمولة ، فيمكن لك الخدمة و الإستعمال ديالها حتى خلال التنقل .

هاذي هي الحوايج الرئيسية لي كتخلي أدوات تسيير المشاريع تكون جذابة لأصحاب العمل الحر ، لأنه كيفما شفنا فمن خلال استخدامها ، فهي كتبسط عملية العمل بأكملها ، فإلا بغينا نلخصوا فهاذ الأدوات كتساعد على إظهار كفاءة أكبر و كذلك كتزيد من تنظيم الوقت و بالتالي الزيادة في الربح .  

أفضل 5 أدوات الخاصة بتسيير المشاريع

فهذا الجزء ، غادي نقوموا بإلقاء نظرة على أفضل خمسة برامج لإدارة المشاريع لمقدمي الخدمات و لي كتقدم مجموعة متنوعة من الميزات :

Toggl.1

• التخطيط ديال المشروع الخاص بك من خلال العرض ديالُ في جدول زمني .
• تصنيف المهام على شكل أقسام .
• تحديد الأولويات ديال كل مهمة على حساب الضرورة ديالها .
• وضع خطة في المخطط الزمني .
• إضافة تفاصيل للمهمة ديالك فحال الملاحظات و التعليقات و المرفقات و لائحات المراجعة و العلامات و المواعيد النهائية.
• المشاركة ديال البرنامج مع العملاء ديالك باش يبقاوا على علم بتطورات ديالك ، من خلال مشاركة عنوان ديالك في البرنامج .

Trello.2

• كيسهل استخدام ميزات التعاون و المشاركة مع العملاء .
• كتسمح لك بطاقة المهام بإضافة المزيد ديال التفاصيل و العرض ديالها بالقرب من المهام فحال التعليقات و المرفقات و المواعيد النهائية و قائمة المراجعة و غيرها .
• كيمنح البرنامج مستودعات خاصة بالجداول المقترحة و لي كتسهل عليك تطبقها على المشروع الخاص بك .

GitHub.3

هاذ برنامج تسيير المشاريع خاص بالمبرمجين :

• غادي يمكن لك تستاضف الكود الخاص بك في مستودعات كاينة في البرنامج (مفتوحة المصدر) أو خاصة .
• كتسمح لك المستودعات الخاصة بمشاركة التعليمات البرمجية الخاصة بك مع الأشخاص لي غادي تبغي تشاركُ معاهم .
• إنشاء لوحات ديال المشروع و ترتيب مهام على حساب السيرورة ديال عمل ، باش تقدر تتبع المشكلات و الملاحظات .
• تتبع الأخطاء و المعالم و تحسينات التعليمات البرمجية و تحديد أولويات ديال كل مهمة .
• إنشاء مواقع ويب و وثائق أنيقة بالقليل من المجهود .
• القيام بمراجعة تغييرات التعليمات البرمجية بصريًا و الدمج ديالها في التعليمات الحالية باستخدام الفحوصات .

Asana.4

• الإستخدام ديال الجداول و القوائم والجداول الزمنية و التقويمات لي كتخلي المشاريع ديالك تبان واضحة .
• كيسمح لك عرض الجدول الزمني بتتبع المهام باش تقدر تخطط ليها مزيان .
• الوضع ديال قواعد لي تخليك تكمل الإجراءات الهامة باش تضمن عدم تفويت الأحداث المهمة .
• استخدام النماذج باش تتلقى طلبات العمل من عند العملاء ديالك أو المتعاونين ، الحاجة لي غادي تسهل عليك تخطيط المهام .
• تقسيم المهام ديالك على فئات مختلفة و تحديد معالم ديال الإشارة إلى اكتمال المرحلة لي أنت خدام فيها .

ClickUp.5

• هاذ البرنامج غادي يسمح لك بإدارة الخدمة ديالك من خلال تحديد الحالات ديال كل حاجة ، و تسليط الضوء على تبعيات ديال كل مهمة .
• إنشاء قوائم خاصة بالتحقق ، و تحديد العلامات .
•  أنك تربط البرنامج بأي تطبيق أخر بغيتي باش ترجعها أوتوماتيكية webhooks غادي تسمح لك  .
• غادي يساعدك تتبع الوقت و مؤقت بومودورو و تنظيم ديال الجدول الزمني على تحسين الإنتاجية ديالك .
• العرض ديال الجدول الزمني ديالك ، غادي يساعدك على تخطيط المشاريع و تخطيط السيرورة ديالهم .

من خلال التخطيط المسبق ديال المشاريع ، لي كيمنحُهم هاذ البرامج ، فغادي تكون كتضمن أنك خدام في المهمة الصحيحة و لي خاصك ديرها في الوقت المحدد ديالها .

على الرغم من أنك تقدر تكون شخص منظم بزاف ، فمن الممكن أنك تتعطل في بعض المهام ، ملي كتكون الخدمة كثيرة ، باش تتجنب القلق الغير المبرر في فحال هاذ المواقف ، فأنت غادي يخصك برنامج خاص بالتخطيط و الجدولة ، لي يكون مزيان بما فيه الكفاية ، باش تقدر تحافظ على البقاء في المسار الصحيح و تكون الخدمة ديالك مرنة ، و تكون وفي للمهام المهمة .