العلاج النفسي و الإستشارة الطبية عن بعد ؟

يمكن لك تلقى طبيب نفسي أو مستشار في الأمراض النفسية لي غادي يقدم لك الاستشارات لي خاصاك عن بعد ، و حتى إلا كنتِ متخصص في مجال الصحة العقلية و باغي تقدم الخدمات ديالك عبر الإنترنت فمنصة مواهب غادي تواكبك باش تبدا في تقديم  

تقديم الرعاية الصحية النفسية و لي آمنة ، اليوم و غير من المنزل ديالك أو من مكان العمل ديالك .

عدد متزايد من الناس كيختاروا الاستشارة عن بعد ، باش يلبيوا الإحتياجات ديالهم للعالاجات النفسية ، العلاج النفسي عبر الإنترنت على عكس ديال العلاج النفسي التقليدي كيخلي الفرد يقابل المعالج ديالُ من أي مكان بغاه تقريبا ، بشرط أنه يكون عندُ اتصال إنترنت مستقر و آمن .

واحد من أكثر أشكال الاستشارة عن بُعد ، و لي معروفة في مجال الصحة العقلية ، هو العلاج النفسي عبر الإنترنت من خلال تقنية مؤتمرات الفيديو الآمنة ، على الرغم من أنه بعض المعالجين النفسيين كيقدروا يقدموا العلاج من خلال الهاتف أو الرسائل النصية .

يمكن لك تبدأ في البحث على أخصائي علاج نفسي مرخص و لي موثوق فيه في منصة مواهب .

علاش نقدروا نختاروا العلاج النفسي عبر الإنترنت ؟

المعالجين النفسيين يقدروا يقدموا الخدمات ديالهم عبر الإنترنت من خلال الفيديو أو الرسائل النصية أو الهاتف أو الدردشة أو البريد الإلكتروني ، فمع تطور التكنولوجيا ، يمكن حتى الاستشارة عن بعد تتطور ، بحيث يمكن للمعالجين النفسيين توجيه الأشخاص باستخدام تقنيات الاتصال المستجدة و الأكثر فائدة و حداثة .

  : فوائد العلاج النفسي عن بعد

يمكن لمهنيي الصحة العقلية يقدموا الرعاية الصحية عن بُعد كوسيلة أساسية للتواصل مع الأشخاص الباحثين عن العلاج النفسي ، كيفضل بعض الأشخاص هاذ النوع من العلاج لأنه يمكن يقدروا يلقاوا فيه بزاف ديال فوائد:

- يقدر يكون مفيد بشكل خاص للأشخاص لي كيعيشوا في أماكن نائية ، أو لي عندهم جداول زمنية عامرة و ما عندهمش الوقت باش ينتاقلوا لمكان وجود المعالج النفسي ، أو هاذ الأشخاص عندهم قدرة محدودة على الحركة بسبب إعاقات أو المسؤوليات .

- يمكن تقديم العلاج النفسي عبر الإنترنت بوحدو أو يمكن استخدامُ كإضافة مع العلاج النفسي التقليدي ، بحيث يمكن للمعالج النفسي أن يقدم العلاج مباشرة من المكتب ديالُ ، و من بعد يكمل استشارة عن بعد خاصة ، ملي كيكون الشخص خارج المدينة أو ما يمكنش ليه يلتاحق بالمكتب .

- تقدر تكون الاستشارة عن بعد مناسبة حتى للأشخاص لي كيلقاوا صعوبة في الوصول لخدمات الصحة النفسية .

- في بعض المرات كيحسوا بعض الناس براحة أكبر في التواصل بشكل عن بعد بلاصة ما يتلاقاوا مع المعالج النفسي .

- هاذ الشكل ديال العلاج يقدر يكون مزيان للناس لي ما كيعرفوش إمتى كيحتاجوا للدعم أو للتدخل .

- الناس لي جداد في العلاج النفسي كيجيهم من السهل الحضور ديال جلسات العلاج و الوصول ليها من خلال الإنترنت ، فتلقي العلاج في المنزل يقدر يقلل من وصمة العار لي مرتابطة بتلقي خدمات الصحة العقلية في المجتمعات .

شكون لي يقدر يستعمل العلاج النفسي عبر الإنترنت ؟

يمكن يكون العلاج النفسي اختيار مزيان للأشخاص لي ما كيقدروش يتوصلوا بالرعاية اللازمة ، بسبب مشاكل الموقع أو الصحة أو النقل ، يمكن أنه يتستعمل من طرف الأشخاص لي ما كيبغيوش يمشيوا للمكتب ، و خاصة أن بزاف ديال جوانب الحياة المهمة ، ولا كيتم الوصول إليها الآن من خلال الإنترنت ، هادشي علاش الاستشارات عن بُعد ولات كتواكب العلاج النفسي .
كاين بزاف ديال الجوانب لي متعلقين بالصحة العقلية لي خاص تتم معالجتهم بالعلاج النفسي عبر الإنترنت ، و لي منها :

القلق .
الإكتئاب .
مشاكل التغدية .
مشاكل في العلاقات .
الضغط العصبى .
الخوف من الهواجس .

كتشير الدراسات على أن العلاج النفسي عبر الإنترنت يقدر أنه تكون عندُ نفس فعالية العلاج النفسي في مواجهة بزاف الأنواع ديال المشاكل النفسية .

كيفاش تعرف واش العلاج النفسي عبر الإنترنت مناسب لك ؟

كيفما ذكرنا من قبل ، يقدر يكون العلاج النفسي عبر الإنترنت اختيار مزيان للأشخاص لي كيعيشوا بعاد على موارد الصحة العقلية أو لي عندهم جداول عمل عامرة أو لي كيلقاوا صعوبة في مغادرة المنزل ديالهم ، فهما لي كيقدروا يستافدوا من هاذ النوع من رعاية الصحة العقلية .

كاينين حالات خاصة لي ما كا يتنصحش فيها بالاستشارة عن بعد ، على سبيل المثال :
- عند الأشخاص لي كيعانيوا من مشاكل نفسية أو عاطفية خطيرة ، فهما هاذ العلاج عن بعد ما كيقدرش يكون موالم ليهم .

- الأشخاص لي عندهم فصام ، و اكتئاب الشديد ، و أفكار ثنائية القطب أو أفكار الانتحار ، فكيكون العلاج النفسي التقليدي لي ماشي عن بعد أحسن ليهم ، بحيث أن هاذ الأشخاص لي  مصابين بهاذ المشاكل أو غيرها ، فهما كيحتاجوا لعناية مركزة .

- الناس الأخرين لي ما يقدروش يستافدوا من العلاج النفسي عبر الإنترنت هما لي ما كيحسوش بالراحة مع التكنولوجيا .

- كيفما أنه يقدروا ما يفضلوهاش الناس لي عندهم قدر صغير من الخصوصية في المنزل ديالهم .

- حتى هاذوك لي ما كيبغيوش يشاركوا الخصوصيات ديالهم عبر الإنترنت أو عبر الهاتف .

- أو لي كيعيشوا في حالات عنف ، فحتى هما كيفضلوا زيارة أخصائي الصحة العقلية بشكل شخصي .

: قلب على المعالج النفسي المناسب ليك و لي يقدر يقدم لك الاستشارة المناسبة عن بعد

الناس لي كيقلبوا على العلاج النفسي عبر الإنترنت عامة ، كتكون عندهم بزاف ديال الخيارات ، و لكن من المهم أنهم يتوخاوا الحذر فبعض الأشخاص لي كيقدموا الاستشارات عن بعد بشكل عشوائي كيكونوا غير مؤهلين أو ما عندهمش ترخيص ، الحاجة لي تقدر تؤدي لتلقي علاج غير فعال ، كيفما أن المشاركة ديال المعلومات الخاصة مع الشخص الخطأ يقدر يؤدي لسرقة الهوية و غيرها من أشكال الاحتيال ، هادشي علاش كنصحوك تلقي نظرة على منصة مواهب باش تلقى المعالج النفسي المناسب لك .

 : حدود و أخلاقيات العلاج النفسي من خلال الإنترنت

تقدر تكون للاستشارات عن بعد بعض العيوب و لي كتشمل :

- نقص في التواصل الغير لفظي : خلال عقد جلسات استشارة من خلال تقنية الفيديو ، يقدر ما يتمكنش المعالج النفسي من ملاحظة بعض العلامات فحال اتساع حدقة العين أو عدم امكانية القيام بالتنصت العصبي أو الوخز.....

- مخاوف : متعلقة بالخصوصية في حالة التواصل خارج المنصة و لي كتحمي من الإختراق .

- التأخير : بسبب مشاكل في استخدام المعدات بشكل صحيح بسبب الافتقار في المعرفة التكنولوجية .

- صعوبة : التعامل مع مشاكل صحية نفسية خطيرة أو معقدة .

كيكتاشفوا بزاف ديال الأشخاص الإمكانية ديال العلاج النفسي من خلال الإنترنت ، و في المقابل ، كيقدم المزيد و المزيد من المعالجين النفسيين هاذ النوع ديال العلاجات . فإلا كنتي كتقلب على المعالج النفسي  المناسب ليك ، يمكن ليك تلقاه في منصة مواهب و لي هي منصة 100% مغربية كتجمع مجموعة من مقدمي الخدمات و لي من بينهم المعالجين النفسيين .