كيفاش تخدم في النسخ ؟

النسخ هو نوع من الوظائف لي غادي تناسب الجدول الزمني ديالك ، لأنه يمكن لك ديرها بدوام جزئي ، عبر الإنترنت ، و بدون خبرة كبيرة .

أشنو هو النسخ ؟

النسخ إعادة كتابة شي حاجة مسموعة فملف صوتي ، بمعنى آخر ، غادي تستمع لشي حاجة مسجلة و تكتب أشنو كتسمع .

كاينين ثلاثة أنواع رئيسية ديال النسخ :

النسخ العام .
النسخ العام هو أكثر شهرة و طلب ، و عندُ مجال كبير ديال الإستخدام ، أحدث نوع فيه و لي أكثر رواجًا : هو نسخ مقاطع الفيديو و البودكاست .

النسخ القانوني .
من ناحية أخرى ، النسخ القانوني حتى هو مطلوب في العمل الحر ، و كيتم استخدامُ فالعمل على قضايا المحاكم و القانون .

النسخ الطبي .
أما النسخ الطبي كيتستعمل حتى هو على نطاق واسع ، و هو ضروري في المجال الطبي .

النسخ هو خدمة ساهلة و لكن تقدر تستغرق وقت طويل ، لأنه أحيانًا غادي يخصك إعادة تشغيل ملف صوتي لأنك ما تفهمش أشنو كتسمع ، لأنه الجودة الرديئة و الحوار الغير الواضح و اللغة المكسورة و اللهجات السميكة في إعادة تشغيل ديال الملفات الصوتية ، الحاجة لي كتزيد من الوقت ديال عملية النسخ كاملة ، و لكن فحال أي وظيفة أخرى ، كلما تدربتي عليها أكثر ، كلما وليتي فيها أفضل .

المهارات اللازمة باش تكون ناسخ

الخطوة الأساسية باش تخدم كناسخ كتتمثل في امتلاك المهارات المناسبة :

التسريع ديال الكتابة
إلا كنتِ كتكتب حوالي 40 كلمة في الدقيقة على لوحة المفاتيح ، فأنت بديتي بداية مزيانة ، أما إلا وصلتي ل60 كلمة في الدقيقة غادي تقدر تسلم النصوص بشكل أسرع و بالتالي ترضي العملاء ديالك ، و العملاء إلا عجبهم العمل فهما غادي يخليوا لك ملاحظات و توصيات مزيانة ، و هاكا طلبات العمل في النسخ غادي يتزادوا . إذن فكلما كتبتي أسرع و بدقة كبيرة ، كلما كان عندك عمل أكثر و مدخول كبير .

القواعد مهمة
قبل ما تبدأ في الخدمة كناسخ ، خاصك تشوف واش عندك كل ما يلزم في القواعد النحوية و المفردات ، و إلا فغادي يتم رفضك من قبل أي عميل ممكن تخدم معاه . بحيث كتعتابر القواعد و المفردات و حتى علامات الترقيم من الحوايج الأساسية لعملية نسخ مثالية . هادشي علاش خاصك تكون متمكن من القواعد ديالك ، لأن هادشي ضروري إلا كنتِ باغي تربح المال من النسخ . لأن التمكن من هاذ الحوايج غادي يساعدك على تمييز الكلمات و العبارات لي متشابهة في السمع و لكن عندها معاني مختلفة . فحاول تصقل المهارات ديالك في القواعد اللغوية و التواصل الكتابي .

مهارات الاستماع ضرورية لعمل النسخ
غادي يخصك تدرب على الاستماع بشكل مضبوط باش تقدر تسمع مزيان هداكشي لي خاصك تنسخُ . لأنه غادي تقوم بنسخ مجموعة من الأصوات ، ديال متحدثين في مقابلات أو مجموعة ديال الناس لي كيدويوا ، و لي بالتالي غادي يخصك تميز بين شكون و شكون ، كيفما تقدر تخدم على ملفات صوتية فيها القليل ديال ضوضاء في الخلف ، و هنا كتكون الأذن المزيانة مفيدة ، باش يمكن لك تفصل النص لي خاصك تدير ليه النسخ .

استعمل برنامج النسخ لي يمكن يساعدك
ملي كتكون يلاه بادي ، غادي تبغي تستخدم برنامج نسخ مجاني ، من بعد قد تقرر تقوم بالاستثمار في البرامج و الأدوات لي غادي تساعدك و تسهل عليك العمل ديالك ، بطبيعة الحال إلا كنتِ مقتانع بلي وظيفة النسخ في العمل الحر هي الوظيفة لي باغي تبقى متبعها على المدى الطويل .

استاعد للعمل في واحد الوظيفة سليمة
بصفتك خدام كناسخ ، فأنت غادي يمكن لك تستافد من هاذ المشاريع الحماسية ، لأنك غادي تخدم مع عملاء لي رائعين في بزاف ديال المجالات . فالعمل في النسخ كيتعتابر مهنة غنية من حيث التعلم في مجالات مختلفة و طرق تفكير جديدة ، فإلا كانت هذه أهدافك في الحياة ، فالنسخ غادي يكون مناسب ليك ، هادشي علاش حاول تكون منفتح .

مهارات أخرى لي تخليك تكون ناسخ ناجح :

• إجادة اللغة ديال النسخ ( العربية ، الأمازيغية ، الفرنسية ، الإنجليزية ، الإسبانية و غيرها من اللغات لي أنت خبير فيها ) .
•  و التطبيقات المشابهة .MS Wordالتمكن من ببرنامج
• مهارات في الكتابة .
• مهارات تعدد المهام .
• مهارات من أجل أداء المهام بشكل فعال .
• مهارات إدارة الوقت .

باش تتعلم للنسخ من المنزل ، غادي يكون خاصك غير القليل من الوقت و مكان هادئ لي يمكن لك تخدم فيه ، في البداية ، ما غاديش تكون محتاج لمعدات متطورة من غير جهاز الكمبيوتر ديالك و نظام صوتي بسيط : سماعات عادية ، و لكن كلما تقدمتِ في العمل و استثمرت في معدات أفضل غادي تقدر تقدم عمل بجودة مزيانة .

دابا ملي عرفتي طريقة النسخ عبر الإنترنت و عرفتي راسك قادر أنك تقوم بيها ، فراه هذا هو الوقت باش تبدا .

كاينين بزاف ديال العملاء لي كيوظفوا مبتدئين و أشخاص لي ما عندهمش الخبرة باش يقوموا بعملية النسخ ديال ملفاتهم الصوتية ، و البودكاستات ، و مقاطع الفيديو ، و غيرها . باش تحصل على خدمة في النسخ ، ما عليك غير تقلب في منصة مواهب باش تلقى العميل لي كيناسبك .