باغي تبني فريق عمل محترف ؟ ها كيفاش يمكن لك ديرو مع مواهب
أنت محتاج أنك تبني فريق عمل للمشروع ديالك ، و لكن ما عندكش الميزانية الكافية باش توظف موظفين بدوام كامل . فهادشي ما بقاش اليوم مشكل! لأنه ولا ساهل أكثر من أي وقت أنك توظف مقدمي الخدمات من جميع أنحاء العالم و لي ممكن يعاونوك في المشاريع الفردية ديالك أو أي نوع أخر ديال الخدمة .
واش محتاج لشخص لي يعونك في كتابة مقالات للمدونة ديالك ؟ واش باغي تزيد شي إضافات و ميزات جديدة للموقع الإلكتروني الخاص بك ؟ يمكن يساعدوك مقدمي الخدمات لي كاينين في منصة مواهب فهاذ المهمات أو تقريبا أي مهمات بغيتي . مقدمي هم أشخاص ماهرين لي كيقدموا الخدمات ديالهم لأي شخص أو أي شركة كتحتاجهم بسلاسة . بالإضافة لهادشي ، فأنت يمكن لك تقوم بالإدارة ديالهم و التواصل معاهم فينما كانُ ، بفضل برنامج التواصل لي كتقدمُ منصة مواهب .
هاذي بعض الأمثلة ديال الحوايج لي ممكن يقدموها لك مقدمي الخدمات :
تطوير الرقمي
الكتابة و التحرير
التصميم
إدخال البيانات
صناعة الفيديوهات
وعشرات المهام الأخرى
كيتعتابر توظيف مقدمي خدمات طريقة مزيانة و فعالة لتطوير المشروع ديالك ، ولكن كيفاش ممكن تبني الفريق الخاص ديالك ؟
فالأول غادي يخصك تقلب على مقدمي الخدمات لي باغي تخدم معاهم واحد بواحد ، هاذ المهمة غادي تكون أسهل إلا استعملتي منصة مواهب ، لي بالتأكيد غادي تلقا فيها الشخص لي يناسبك ، و لي ممكن تختارُ أو تختارهم من خلال أنك تشوف الملف الشخصي ديالهم و التواصل معاهم من بعد .
إلا كنتي كتواجه مشكلة في الاختيار بين عدة مرشحين ، يمكن لك أنك تطلب منهم انهم يقوموا باختبار أو تجربة ، و كن معاهم صريح بأن هاذي غير تجربة و وضح معاهم إمكانية أنك تخلصهم مقابل الوقت ديالهم . ملي تلقى الشخص لي باغي توظف ، يمكن لك هاذيك الساعة تتفاوض معاهم على الأسعار و التفاصيل ديال الخدمة ، باش يكون كلشي واضح .
غادي يخدم مقدمي الخدمات لصالح المشاريع ديالك . باش تقوم بإدارة و تسيير جيد و مزيان للأعمال ، غادي يخصك تكون مدير مشروع جيد و يكون عندك برنامج إلكتروني لإدارة مشاريع ممتاز . كيفما أنه في المشاريع طويلة المدى ، غادي تحتاج أنك تقوم بمناقشات مع مقدمي الخدمات ديالك في كل مرة ، باش تبقى ديما تعلمهم بمواعيد إرجاع العمل ، و الحوايج لي بغيتيهم يستعملوها ، و التعاليق ، و التوصيات ديالك و تحدد دورهم في سيرورة ديال الخدمة .
بالنسبة لواحد النوع من المشاريع ، و بما أن الأشخاص لي كتوظفهم كايكونوا ماهرين فداكشي لي كيديروا ، فأنت ما غاديش تكون محتاج أنك تقوم بتسيير ديالهم في كل مهمة صغيرة ، فأنت يمكن لك تناقش غير المشروع ديالك معاهم و هما غادي يكملوه ، و إلا كان عندهم أي سؤال ، فهما غادي يرسلُ لك رسالة .
ملي توظف العدد الكافي من مقدمي الخدمات باش تشكل فريق العمل ديالك ، يمكنك لك هاذيك الساعة إمكانية تعيين مقدم خدمات آخر لي يتكلف بإدارة الفريق ديالك ، لأنه هاكا غادي تقدر توفر الوقت لي يخليك تركز على حوايج أخرى من المشروع ديالك .
يمكن يساعدك العمل مع مقدمي خدمات على تحقيق شي حوايج أكثر ملي كنتي كتحاول ديرها بوحدك . فهاذي استراتيجية مربحة غادي تسمح لك بالاستفادة من الأشخاص المؤهلين لي باغين يساعدوك . كيفما أنه خاصك دير في بالك أن هاذ الناس حتا هما بشر ، و إلا عاملتيهم بشكل سلبي فهما ما غادينش يبغيوا يساعدوك في المشروع ديالك .
