أفكار باش تطور الشبكة المهنية ديالك
ماشي حاجة ساهلة أنك تلقى عملاء جداد في العمل الحر لي تخدم معاهم و تنجز معاهم مشاريع لي عندها علاقة بنشاطك العملي و بالتالي تضمن الإستمرارية كمقدم خدمات ، هادشي علاش من الضروري أنك تبقى تفكر دائما في تطوير الشبكة المهنية ديالك و تخليها تولي غنية و متنوعة ، و لكن كيفاش ممكن لأي واحد خدام في العمل الحر وسط بزاف ديال الناس لي فحالُ و عندهم نفس الهدف ، أنه يطور الشبكة المهنية الخاصة بيه ؟
المشاركة في الأحداث أو المناسبات المهنية
خاصك تبقا دائما منتابه للأحداث المتعلقة بمجال نشاطك في العمل الحر لي قريبة ليك فمدينتك أو حتا البعيدة إلا كانت عندك القدرة أنك تمشي ليها ، فحال المعارض التجارية و المؤتمرات و أوراش العمل و المسابقات و الهاكاتون و بزاف ديال أشكال الأحداث المهنية ....... كتعتابر هذه فرص ما عندهاش مثيل للقاء بالعديد من العملاء و المشغلين لي ممكن تشكل معاهم علاقة و يخدموا معاك في المستقبل كيفما أنه ممكن تتلقى مع زملاء حتا هما خدامين في العمل الحر و لي غادي تستافد من الخبرة ديالهم إلا كانوا أقدم منك في الميدان أو العكس أنهم هما يستافدوا منك .
قم بإعداد عرض تقديمي سريع على راسك
الذهاب إلى أحداث أو مناسبة مهنية كيتعتابر فرصة مهمة لي مخصهاش تضيع و خاصك تكون عارف كيفاش تستغلها و تغتنامها ، لأنه تقدر تتلقى مع مشغل أو شركة كيقلبوا على مقدم خدمات في العمل الحر و الطلب ديالهم كيطابق تماما مع الملف الشخصي الخاص بيك ، و كيكون عندك غالبا بعض الثواني فقط باش تقدم راسك و تقنع المشغل ديالك بأنك أنت هو الشخص لي كيبحث عليه ، لهذا و باش مضيعش هاذ الفرصة الذهبية خاصك تكون وجدتي تقديم سريع على راسك و خطاب جيد .
المساهمة في الندوات
هذه حتا هي طريقة أخرى فعالة في إظهار الخبرة ديالك و لي كتتمثل في المساهمة أو المشاركة في الندوات في المواقع المتخصصة بالندوات عن بعد ، فأنت كمقدم الخدمات في العمل الحر يمكن لك تستاغل هادشي في الترويج للأعمال ديالك و بالتالي تتلقا عروض عمل من طرف العملاء أو المشغلين المشاركين في الندوة ، كيفما أنه تقدر تستاغل الفرصة و تقدم أنت ندوة لي كتبين فيها أبرز المهارات لي عندك فشي مجال معين مثلا التدريس و هاكا المشغلين غادين يثيقوا فالعمل معاك حيث شافوا طريقة العمل ديالك مباشرة .
المشاركة في أعمال التطوع
بعض المرات تقدر المؤسسات الخيرية أو المنظمات الأخرى تحتاج لمتطوعين في المجال ديال نشاطك ، وهادشي غادي يوفر لك أنه تولي عندك جهات و شبكة اتصال جديدة و واسعة ، و كذلك إضافة للسيرة الذاتية ديالك أنك عندك مشاركات في مثل هاذ الأنشطة .
استغلال شبكات التواصل الإجتماعي
حاجة واضحة أنه ما يمكنش ما ندويوش على وسائل التواصل الإجتماعي ، و لي الإسم ديالها كيدل على التواصل وسط مجموعة ديال الشبكات ، فهي ما يكونش عندك الشك أنه غادا تساعدك بطرق مباشرة أو غير مباشرة باش تلقا العميل أو المشغل لي غادي يهتم بالعمل معاك ، كيفما أنه كاينين مواقع لي كتهتم بمساعدة مقدمي الخدمات في إيجاد الناس لي ممكن يخدموا معاهم ، بحيث أن هاذ المواقع كيسمحوا ليهم بمشاركة الملف التعريفي الخاص بيهم و كذلك جميع إنجازاتهم السابقة ، فمجرد ما دخل لشي موقع حاول تبقا فيه ديما متفاعل بمشاركة محتوى عالي الجودة و كذلك تبقا متبع أخر الأخبار و المستجدات لي كتهتم بها ، باش تبقا على بال بكلشي .
