أشنو هما الحوايج لي كينصحوا بيها الناس لي عندهم تجربة في العمل الحر للحفاظ على المهارات و تطويرها
كشفت دراسة أن المستقلين مؤخرًا ولينا كنسمعوا أن الناس لي خدامين في العمل الحر ولاوا أكثر التزامًا بتطوير المهارات ديالهم ، من فترة لفترة كيتعلموا مهارات جديدة ، بحيث أنه عندهم مبدأ الإستباقية ف الحفاظ على مجموعة مهاراتهم ، خاصة إلا كانت تنافسية ، فهما خاصهم يجددوها باش يبقاوا مواكبين التطورات لي كايعرفهم مجال العمل الحر لي المنافسين فيه كثا .
فكر بشكل استراتيجي في مجموعة مهارات ديالك والحاجة لي باغي تحسن فيهم
باش تعرف الحوايج لي عندك فيهم نقص كاينة واحد الطريقة و لي هي ، تقلب على الصفحة ديال شي شخص في العمل الحر معروف و ناجح أو كذلك تقلب على عروض العمل لي كطمح تخدم فيهم و كايناسبوك قوم بتخصيص بعض الوقت لي غادي تشوف الأشياء لي ناقصينك و الثغرات ، و تكتبهم في قائمة ، كذلك تشوف حتى المهارات لي عندك أنت أصلا لكن خاصك تحسنها.
بنفس المنوال ، حاول تفكر في الأشياء التي كتحب القيام بها ولكنك لم تفعلها مؤخرًا و حتى هي سجلها فنفس القائمة . بعض المرات كايكونوا بعض المهارات لي عندنا و لكن بسبب الإهمال و لكوننا حنا البشر الأشياء لي ما كنستعملوهاش بزاف كنميلوا لا إراديا لنسيانها ، هادشي علاش ممكن نديروا دورة تكوينية لتجديد المعلومات المفيدة ، خاصة إلا كان الأمر كيتعلق بالمهارات المتعلقة بالتكنولوجيا ، حيث تميل التطورات المتكررة في هاذ المجال إلى جعل الأساليب القديمة دون قيمة و تعلم التقنيات الجديدة كيولي واجب .
الاستفادة من الأدوات الرقمية
وفقًا لدراسة قامت بيها كلية الأعمال بجامعة هارفارد ، قالت أنه الناس لي في العمل الحر كيستافدوا بشكل كامل من الأدوات الرقمية لاحتياجاتهم في التعليم المهني و بإستمرارية أكثر من الموظفين التقليديين . هذه حاجة منطقية لأن الأنظمة الرقمية ولات كتميل إلى جعل عملية التعلم ساهلة و أسهل من قبل و بما أن الناس لي فالعمل الحر وقت الفراغ عندهم أكثر من الموظفين التقلديين ، فهم كيقدروا ينظموا جدولهم من أجل الإستفادة من تعلم هاذ الأدوات الرقمية ، خاصة أن شبكات التعلم الرقمية كتكون أقل تكلفة أو حتى مجانية في بعض المرات .و لكن خاصك ترد بالك لأنه كاين بعض المجالات المهنية لي كتحتاج لدورات رسمية لنيل الشهادة و لي ممكن أنك تتلقى من أجلها رعاية أو منحة من طرف الكليات أو الجامعات المختصة.
اقرأ المزيد
حاول أنك ابحث على الكتب لي كتتناول أو كتتكلم على موضوعات متعلقة بمجال عملك ، أو تقرا الكتب و المقالات حول المهارات لي عندها صلة بالعلوم أو تطورات لي كتعرفهم مختلف المجالات أو حول الأعمال بشكل عام ، فهي طريقة رائعة للمساعدة باش تحافظ على مهاراتك . و إلا كنتي ما كتقدرش تبقى تقرا في كتاب حاول تستعمل الكتب المسموعة و لي موجودة في مجموعة من التطبيقات ، بحيث أنك تقدر تسمع ليها خلال ممارسة التمارين الرياضية أو الحاجيات المنزلية أو خلال التنقل أو غيرها من الأنشطة الإعتيادية .
خاصك تعرف أن الهدف من الحفاظ على المهارات و التجديد ديالها كيضمن لك البقاء في المنافسة و مواكبة التطورات الحالية في مجال العمل ديالك ، فخاصك تتعلم كيفاش تحافظ على وقتك و طاقتك سواء في العمل الحر أو في حياتك عامة فهما من الأنماط لي كيضمنوا لك بيئة منظمة .
