بصفتك في العمل الحر ،علاش غادي تحتاج لخطة لتسويق مشروعك المهني ؟
علاش خاصك دير التسويق لراسك كشخص في العمل الحر ؟
بصفتك مقدم خدمات ، إلا ما عرفوش العملاء المستقبليين ديالك بوجودك أنت و خدماتك ، فحتى واحد ما غادي يعلمهم بوجودك من غيرك . يقدر يكون عندك أنت الحل الأمثل لجميع المشاكل العملية ديالهم ، و لكن ما عارفينش الحل كاين عندك . من خلال تسويق للعمل ديالك لهم ، فأنت كتمنحهم الفرصة باش يتعرفوا عليك و يعطيوك فرصة و بالتالي يوظفوك .
إذن ، فأنت خاصك خطة تسويق ؟
إلا ما كانتش عندك خطة تسويقية واضحة فأنت فحال إلا باغي تمشي لشي بلاصة فشي مدينة جديدة عليك و لكن ما عندكش الخريطة باش تعرف منين غادي دوز و تمشي ، تقدر توصل لها في النهاية ، و لكن من المحتمل أنك تضيع الوقت و تعيا و تلقى راسك ما قادرش تكمل باش توصل .
كيساعدك الوضع ديال خطة التسويق ، من الإستفادة من مجموعة من المميزات لي كتخليك تنمي العمل الحر ديالك ، من أهمها :
تحديد أهداف واضحة لي تقدر تحققها
باش تكون عندك خطة تسويق ، خاص يكونوا عندك أهداف واضحة ، أحسن ممراسة هي أنك تجلس و تحدد كيفاش باغي الحياة المهنية تكون مثلا من هنا عام واحد أو في ثلاث سنوات أو في خمسة . فبمجرد ما تحدد الأهداف الكبيرة و الواضحة ، يمكن لك من بعد تقسمها لأهداف أصغر ، و تحدد بالتالي الأشياء لي غادي تحتاج باش تحقق هاذ الأهداف .
فبوجود أهداف واضحة لي غادي يمكن لك تقادها أسبوعيًا أو شهريًا أو حتى ربع سنويًا ، غادي تبقى ديما تعرف واش أنت في الطريق الصحيح ، و إلا كان العكس ، يمكن لك تقوم بتعديلات للهدف ديالك أو الجدول الزمني ديالك أو الخطوات لي كتبع .
كتدفعك للتفكير بشكل استراتيجي
خطة التسويق كتخليك تفكر بشكل استراتيجي في المهنة ديالك كمقدم خدمات و كتمنعك من أنك توقع في الفخ ديال أنك تفقد الرؤية على الحياة ديالك على المدى الطويل .
تنظيم الأولويات و الوقت ديالك
وجود خطة واضحة كيعني أنه الحاجة الوحيدة لي خاصك دير هي اتبعها ، فخطة التسويق لي كتكون مزيانة ما كتحددش غير أحلامك و أهدافك ، و لكن حتى الإجراءات لي خاصك اتاخذها باش توصل لفين باغي ، و بالتالي ما غاديش يكون خاصك تبقى غير جالس و تخمم و كتفكر فأشنو خاصك دير كل أسبوع . فغادي يكون خاصك غير تبع الخطة ديالك لي فيها كلشي منظم بالتسلسل و مقاد ، بحيث أن الخدمة ديالك كتسناك غير باش تبداها .
ملي كتكون عندك أهداف واضحة و كتعرف بالضبط أشنو خاصك دير كل نهار، فهاكا الوقت و الجدول الزمني ديالك كيولي منظم بشكل واضح ، بحيث أن الطاقات العقلية ديالك كتبقا موجهة لخدمة العملاء ديالك .
العملاء كيبغيوا يخدموا مع مقدمي الخدمات لي محترفين في تنظيم الأعمال ديالهم ، لأنهم كيعرفوا أنه يقدروا يعتامدوا عليك باش دير الخدمة لي باغين منك و تحتارم الوقت لي حددتي .
إلا كنتي باغي تشوف مقالات أخرى على كيفاش تقاد خطة التسويق و معلومات على العمل الحر ، يمكن لك تلقاهم موجودين في مدونة مواهب .
