مشروع ناجح ؟ كيفاش ؟

بالنسبة لعدد كبير من الناس لي كيفكروا في تنفيذ مشاريع ، فكيلقاوا أن الجزء الأصعب هو البداية ، هادشي علاش خاصك تكون منظم و خاصة في التخطيط لي كيحتاج قدر كبير من الكفاءة .
نقدروا نطبقوا مثال بداية مشروع فحال المحاولة ديال بناء منزل ، ففبداية بناء منزل ما يمكنش نبداوا بالسقف و النوافذ بدون الأساس و الحيوطَ ، هاكا هما المشاريع ما يمكنش يبداوا بدون أساس مزيان و صحيح . هذه بعض النصائح لبداية ناجحة لمشروع . 

لقى فكرة جديدة و أصلية

بزاف ديال المشاريع كتبدا بفكرة لامعة ، لي كتجذب قلوب زبناء بطريقة غير مباشرة و لكن بمجرد مع الوقت هاذ الفكرة كتبدا تفقد الحماس لي كان عندها . هادشي علاش خاص فالأول ما تكونش إستبقاية ديال الأحداث و القفز نحو التألق من الأول ، لأنه خاص التحقق من أن الفكرة مربحة و عندها قيمة عند الزبناء المستهدفين ديالك بشكل دائم أو لما لا ضرورية  بنسبة ليهم . يمكن لك تختابر الفكرة ديالك بإجراء أبحاث في السوق و تشوف الناس واش مهتمين بالمنتوج أو الخدمة لي كتطمح تقدم ، و واش كيستاجبوا ليها بشكل إيجابي ، و هادشي قبل ما تخرج الفكرة للتنفيذ . 

عطي تعريف لمشروعك

فالتعريف ديال مشروعك حاول تحدد رؤية ديال مشروعك و التوقعات البعيدة المدى و لي خاصها تكون واقعية ، بحيث أنه خاصك تحدد هاذ الحوايج : التحديات ، الأهداف ، الحدود والمخاطر ، الإمكانيات ، عدد الأشخاص لي خاص تخدم معاهم و نوعية المهام لي خاصهم يقدموا . 

حط أهداف صلبة لي تعطي قيمة للمشروع

المشروع الناجح عندُ أهداف صلبة لي إلا تحققات كتعطي قيمة للأعمال و المشروع ، هادشي علاش خاصك تعرف بالضبط داكشي لي كتهدف ليه و تعرف الحوايج لي عليك باش تحقق النتائج لي غادي تعطي قيمة للمشروع ديالك .

الوجود ديال أهداف واضحة و باينة كتدفع العمل إلى الأمام ، و كيولي من ساهل إنشاء و تقديم خطة للمشروع و إستراتيجية تضمن لك الفوز و النجاح في النهاية . 

التواصل مع الفريق ديالك

مدير المشروع الناجح و الجيد خاصُ يكون قادر أنه يخلي الفريق ديالُ يفهم أهمية المهمة لي عندهم و يوضع ليهم سياق و تحديات المشروع ، لأنه أنك تطلب من شي شخص باش يدير شي مهمة بدون ما أنك تشرح ليه سياق و أساس المشروع فمن المنطقي أنه ما يقدرش يعطي شي نتيجة بطريقة مثالية ، هادشي علاش مدير مشروع خاصُ ياخذ الوقت الكافي للإعلام و الشرح و المشاركة ، لأن مهمة مفهومة مزيان هي مهمة غادي تتنفذ مزيان ، مدير مشروع خاصُ يشرح هاذ الحوايج للفريق ديالُ :

الرؤية القصيرة المدى و طويلة المدى ديال المشروع ،

الأهداف ،

مسؤولية ديال كل فرد فالمشروع و الأهداف الصغيرة لي خاصُ يحقق و بلاصتها في الهدف الأساسي ، 

تنظيم المشروع

التنظيم هو جزء كبير من مرحلة البداية والتخطيط ، التنظيم كيكون من خلال وضع خطة عمل و لي يكونوا فيها هاذ النقاط :

نطاق و مجال المشروع

محتوى المشروع ( مجموعة المتطلبات ديال المشروع ، محتوى ديال المشروع ..... )

الجدول الزمني / المواعيد المهمة

أنشطة المشروع

التكلفة والميزانية

تقييم الجودة ديال المشروع

الموارد البشرية

الإتصالات و التسويق ديال المشروع

منصة مواهب كتتميز بكون أن فيها عدد كبير من مقدمي الخدمات لي ممكن يساعد أي مدير مشروع في تطوير المشروع ديالُ ، يكفي أنه يقلب على الشخص المناسب .