نصائح على كيفاش تخدم مع مقدمي الخدمات في العمل الحر
بالنسبة لبعض مقدمي الخدمات في العمل الحر ، فكيعتابروا أن اختيارهم للعمل الحر هو اختيارهم للحرية . في البداية ديال حياتهم المهنية أغلبية ديال مقدمي الخدمات كيختاروا العمل الحر على قبل الربح المادي ، و لكن كاين سبب أخر و لي هو أنهم باغين يتهربوا من الجدول الزمني ديال العمل العادي و لي فبعض الأحيان كيحتم عليهم الحضور الإجباري و توقيت يومي غير مناسب ، هادشي علاش أنت كعميل و لي غادي تخدم مع هاذ مقدمي الخدمات من الأحسن أنك ما تتجاوز بعض الحدود لي متعلقة بالحرية ديالهم .
بالنسبة للناس لي باغين يقوموا بإنشاء عمل مع مقدمي الخدمات ، من المهم أنهم يفهموا كيفاش يقوموا بتفويض و إدارة مقدمي الخدمات لي معاهم عن بعد .
التفويض أو الإدارة ماشي شي حاجة ساهلة ، و لكن هي مهارة لي ممكن إتقانها ، فالتعيين ديال أشخاص غير بغرض التوظيف حاجة لي ما غاديش تنجح على المدى الطويل ، لأنه خاصك تبقى ديما تراجع الميزانية و الدخل و النفقات ديالك بشكل متكرر .
التفويض كيعني أنك كعميل خاصك تعطي للآخرين مسؤولية ديال العمل . هاذي نصائح على كيفية يمكن لك كعميل تفوض العمل للناس في العمل الحر :
اختابر بزاف ديال الأشخاص
ما غاديش يلبي الجميع التوقعات ديالك ، الجزء الصعيب من كونك في العمل الحر هو أنك كا تمتالك معايير لي خاصة بك و لي هي حاجة طبيعية ، و لكن ماشي كلشي متشابه و فحالك ، كاينين ناس لي كيفكروا فحالك و هاذوا هما مقدمي الخدمات لي كتقلب عليهم ، باش تقوم بهادشي ، الطريقة هي أنك تمنح لمقدمي الخدمات جداد فرصة لي تخليهم يثبتوا فيها راسهم من خلال مشروع صغير أو جزء صغير من المشروع الكبير ديالك ، هادشي و مع أنك تخلي مساحة كافية من الوقت لك في حالة عدم تسليم النتائج في الوقت المحدد ، فإلا كان العمل المقدم مزيان ، فهذه علامة جيدة على أن هاذ الشخص يقدر يكون شخص مناسب لك .
تنسيق ديال الوقت و التوقعات ديال العمل
بالنسبة للأشخاص لي كتقوم بالتفويض ديالهم ، خاصك تشرح ليهم و يفهموا أشنو كتوقع منهم بالضبط و أشنو باغي و إمتى بغيتيهم يسلموك الخدمة . فباعتبارك في العمل الحر ، فأنت عارف أنه كل مقدم خدمات يقدر يكونوا عندهم بزاف ديال المشاريع في وقت واحد ، هادشي علاش خاصك تحاول تأكد أن مقدمي الخدمات لي أنت خدام معاهم فاهمين المشروع ديالك مزيان و عارفين الوقت لي يرجعوه لك فيه ، هاكا باش يتمكنوا من التخطيط للوقت ديالهم مع المشاريع الأخرى .
لأنه ما كيكفيش أنك توكل مهمة لمقدم الخدمات ، فـأنت خاصك توريه الإعداد و تعطيه جميع التعليمات و المستندات لي يقدر يحتاجها باش ينجح في المهمة . للمهام الأكثر أهمية ، أعطِ لمقدم الخدمات السياق و الجوانب لي غادي تساعدوا ، أعطه فكرة على هدف أعلى مستوى ، يمكن لك حتى تعلمُ بالآثار ديال إلا تعطل على الموعد النهائي ديال التسليم و كيفاش غادي يؤثر هادشي على التتمة ديال العمل .
تعلم كيفاش تعطي تعاليق
حاجة مهمة أنك تقدم ملاحظات في وقت مبكر في أي علاقة عمل جديدة ، خاصك تتأكد بلي التوقعات ديال العمل تفهمات من البداية، لأنه عادة ما معظم العملاء كيتجاهلوا يعطيوا التفاصيل و يكونوا أكثر تحديد بخصوص أشنو باغين ، هادشي علاش حاول تقدم أكبر قدر ممكن من المعلومات حول التوقعات ديالك في الأول ، و بمجرد ما يقوم مقدم الخدمات من الإنتهاء من شي مهمة ، حاول تقدم تفاصيل على أشنو عجبك و أشنو ما عجبكش ، لأنه هادشي غادي يعطي لمقدم الخدمات فهم أفضل لأشنو متوقع ، و هادشي غادي يوفر لك الوقت في المشاريع المستقبلية ديالك معاه .
دير خطط احتياطية
أنت ما عارفش كيفاش غادي يخدم معاك شخص جديد فشي مهمة أو مشروع معين ، فأنت غادي يخصك تقوم بالتخطيط المسبق لأسوأ نتيجة ممكنة ، خصص وقت في حال ما اضطررتي أنك تعاود الخدمة راسك ، هادشي علاش خاصك تخلي بعض الوقت الإضافي و توضع خطة احتياطية .
من الخدمة ديال مقدم الخدمات خصص وقت لي تقدم فيه التعليقات ديالك للامتنان
كتتطلب منك عملية التفويض تقديم التعاليق و التلقي ديالها ، الحاجة لي كتعزز أنه يكون جو مفتوح ديال العمل ، حاول تخصص وقت لي تعطي فيه التعاليق ، باش تعطي فرصة لمقدمي الخدمات في مناقشة أي صعوبات كيواجهوها و تعرف الإقتراحات ديالهم بخصوص الخدمة المستقبلية ، خاصك تبين الإمتنان ديالك للمجهود لي كيقدموه مقدمي الخدمات لي كتخدم معاهم . هادشي غادي يخليهم يحسوا بالتقدير ويزيد من الدوافع ديالهم ، كيفما أنه يمكن لك تقدم ليهم النقد البناء مع التشجيع لي عطيتيهم ، باش تساعدهم على التغلب على العيوب ديالهم .
شارك مع مقدمي الخدمات النجاح
النجاح هو واحد الحاجة لي ممتعة ! حاول تشارك تفاصيل ديال نجاح المشروع مع الأشخاص لي كيخدموا معاك ، خاص كلشي يسمع الحوايج الإيجابية ، لأنها كتحفزهم على الخدمة معاك في المستقبل ، و دائمًا ما كتكون مزيانة للروح المعنوية و بالتالي للخدمة.
يمكن أنه يكون العمل الحر مرهق لأي واحد مشارك في المشروع ، هادشي علاش الأشياء السعيدة الصغيرة ، كتخلي العلاقة تكون إيجابية و التفويض ساهل .
اختار المهام الصحيحة
تحديد المهام لي باغي تفوضها هو أسهل جزء من الخدمة ، اكتب قائمة فيها أشنو خاصك دير و لي ما يمكنش لك ديرها ، هاذ القائمة هي لي فيها المهام لي خاصك تفوضها . خاص تم إدارة كل مقدم خدمات بشكل دقيق في الأسبوع الأول ، باش تتأكد من أنك أنت و الموظف الجديد ديالك على نفس الصفحة .
انتبه لميزانيتك
من المهم الانتباه للميزانية ديالك ، إلا قمتِ بتعيين بزاف ديال مقدمي الخدمات ، فغادي يتزادوا النفقات ديالك بشكل كبير ، كيختالف الوضع المالي ديال كل شخص ، هادشي علاش خاصك توضع حد أقصى و أدنى للميزانية ديالك و لي بمجرد ما تحددها خاصك تبقى ملتازم بيها .
من خلال هاذ مجموعة المهارات ، حاول تتيقن من أنك عينتي مقدم الخدمات المناسب و لي كيتمتع بالمهارات المناسبة للخدمة لي بغيتي . كا يتعتابر التعيين ديال مقدمي الخدمات لي عندهم مهارات إضافية من غير المهارات الأساسية ، لي خلاتك تخدمُ ، ميزة إضافية .
التفويض ما كيعنيش أنه عندك وقت أكثر للاسترخاء ، و لكن العكس ، التفويض كيعني أنه خاصك تسيير الأشياء مزيان و تسرعها ، لأنه معاك أشخاص لي كيعتمدوا عليك في العيش و في تحقيق الأهداف ديالهم .
بصفتك عميل ، يمكن لك تستخدم منصة مواهب باش تلقى مقدم أو مقدمي الخدمات ، لي يناسب المشروع ديالك .
